Башҡортостан халҡына матурлыҡ салондарындағы процедураларға һәм косметикаға кредитты көсләп тағыуҙан һаҡланыу сараларын аңлаттылар.

Дөйөм Рәсәй халыҡ фронтының “Заемсылар хоҡуҡ­тары өсөн” проект эксперттары хоҡуҡ ҡулланыу практи­каһын тикшерҙе һәм уның нигеҙендә алдаҡсы­ларҙың тоҙағына эләккән клиенттарға суд тәртибендә үҙ хоҡуғын яҡлау, дәғүә белдереү ғәмәл­дәрен төҙөнө.
Проект етәксеһе, Башҡор­тостандан Дәүләт Думаһы депутаты Виктор Климов әйтеүен­сә, был проблема ярайһы уҡ күләмле. Халыҡ фронты белгес­тәренең баһалауҙарына ҡара­ғанда, ошондай хәлдә ҡалған ҡа­тын-ҡыҙҙарҙың бары­һы ла ал­даҡсылар ҡорбанына әүере­ле­үен аңлап етмәй. Матурлыҡ салоны косметиканы ҡайтарып алыуҙан һәм кредит килешеүен тарҡа­тыуҙан баш тартҡан ос­раҡ­та күптәр мәсьә­ләне аҙағы­наса хәл итә алмайынса, ҡиммәт хаҡ түләүен дауам итә. Алданған һәр бишенсе ҡатын-ҡыҙ ғына хо­ҡуҡ һаҡлау органдарына мөрәжәғәт итә.
— Ҡыҙғанысҡа ҡаршы, халыҡ­тың күп­се­легенең финанс йәһә­тенән белем кимәле түбән. Шуға күрә алдаҡсылар был етешһеҙ­лекте үҙ мәнфәғәтендә оҫта файҙалана. Күпселек хоҡуҡта­рының боҙолоуы тура­һында ҡайҙа хәбәр итергә лә белмәй, — ти Виктор Климов.
Түләүһеҙ косметика процеду­раһын үтеү тәҡдиме булған ос­раҡта һаҡ булырға кәңәш итә бел­гестәр. Бынан тыш, тән тире­һе йәки сәстәре дауалауға мохтаж тип ҡиммәтле косметика тәҡ­дим иткән салон хеҙмәт­кәр­ҙә­ренең һүҙҙәренә лә ышанып бармағыҙ. Салонда бушлай эсем­лек бирһәләр ҙә, унан баш тартығыҙ, хеҙмәт­кәрҙәргә паспорт мәғлүмәт­тәрен асып һал­мағыҙ.
Дөйөм Рәсәй халыҡ фронты­ның эксперттары эшләгән иҫкәр­мәлә матурлыҡ салоны хеҙмәт­кәрҙәренең тоҙағына элә­геп, кредитҡа косметика һатып алған йәки процедуралар өсөн түләгән кешеләргә кәңәштәр бирелә. Ҡулланмала банк менән кредит договоры, шулай уҡ салон менән һатып алыу килешеүен тарҡатыу алымдары ла билдәләнә.