Был аҙнала кәйефегеҙ күтәренке булыр. Шулай уҡ яңы көс-дәрт менән эшкә тотонорһоғоҙ. Һәр эшегеҙ уңышлы булыр. Тик был башығыҙҙы әйләндермәһен. Марс, Хирон, Айҙың торошо үҙ-ара бәйләнештәргә ҙур йоғонто яһай. Шуға күрә эштә лә, өйҙә лә аңлашылмаусанлыҡтар килеп сығыуы ихтимал. Ғөмүмән, был осор төрлө хәл-ваҡиғаларға бай булмаҡсы, уларға алдан әҙер булыу хәйерлерәк. Аҙнаның беренсе яртыһы шәхси тормошоғоҙға үҙгәрештәр индерәсәк. Икенсе яртыһы һүлпәнерәк үтер. Быға тиклем тормошҡа ашмаған уй-маҡсаттарығыҙға әйләнеп ҡайтығыҙ. Был эш һеҙгә уңыш һәм аҡса килтермәксе.
Дүшәмбе хәйләкәр һәм ҡомһоҙ кешеләрҙе урап үтегеҙ. Һеҙҙе ҡара уй-ниәттәрендә файҙаланмаҡсылар. Шишәмбе – эштә лә, шәхси тормошта ла ҡатмарлыҡтар тыуҙырған көн. Шаршамбы барыһы ла үҙ яйына ҡайтыр. Кесе йома мөһим эштәрегеҙҙе төштән һуң башҡарығыҙ. Йома – бар яҡтан да уңайлы көн, тик көндәлек мәсьәләләрҙе ҡапылдан ғына хәл итмәгеҙ.

ҠУҘЫ (21.03 — 20.04).
Сығымдарҙы барлау менән шөғөлләнерһегеҙ. Йорт һәм ғаилә өсөн ҙур әйберҙәр һатып алыу менән булырһығыҙ. Ҡатын-ҡыҙға кейем-һалым һатып алырға кәңәш итәм. Ә ир-егеттәр күптән эҙләгән техник әйбер алып ҡыуаныр. Эшегеҙҙә тәртип булдырығыҙ, шунда уңыш йылмайыр.

БУҒА (21.04 — 21.05).
Үҙегеҙ менән шөғөлләнергә ваҡыт. Уй-фекерегеҙҙе тәртипкә килтерегеҙ. Ял көндәрендә ҡайҙалыр белем камиллаштырырға тәҡдим итерҙәр, бынан баш тартығыҙ.

ИГЕҘӘКТӘР (22.05 — 21.06)
Уй-фекерҙәрегеҙҙе тыймағыҙ. Нимә уйлайһығыҙ, шуны оялмайынса әйтегеҙ. Бер ҡайҙа ла ҡабаланмағыҙ. Ашығып ашҡа бешеүегеҙ бар.

ҠЫҪАЛА (22.06 — 23.07).
Ҡатмарлы аҙна көтә. Көтөлмәгән хәл-ваҡиғалар бәкәлгә һуғасаҡ. Түҙемле булығыҙ. Дуҫтарығыҙ ярҙам ҡулы һуҙыр, шуға улар менән аралашыуҙан ҡасмағыҙ.

АРЫҪЛАН (24.07 — 23.08).
Иғтибар үҙәгендә булырһығыҙ. ижади конкурста еңеүегеҙ, яңы эш тәҡдим итеүҙәре ихтимал. Юғары вазифа биләүселәр һеҙгә иғтибар итер.

ҠЫҘ (24.08 — 23.09).
Сәйәхәт итеү өсөн иң уңайлы мәл. Эшегеҙҙә йәки уҡыған ерегеҙҙә алыҫ командировка тәҡдим итһәләр, баш тартмағыҙ. Ял көндәрендә электр йыһаздары менән һаҡ булығыҙ.

ҮЛСӘҮ (24.09 — 23.10).
Тормошоғоҙҙа булған мөһим үҙгәрештәр мәле үткән, хәл итәһе мәсьәләләр тормошҡа ашырылған. Уңыш һеҙгә йылмая. Шуға әлеге мәлдең һиллегенә ҡыуанып йәшәгеҙ.

САЯН (24.10 — 22.11).
Үткән аҙнала булдыра алмаған эштәрҙе атҡарығыҙ. Яңы проект йә эш тәҡдим итһәләр, баш тартмағыҙ. Ул артабанғы тормошоғоҙҙа мөһим роль уйнар.

УҠСЫ (23.11 — 21.12).
Етәкселек менән арағыҙҙы көйләгеҙ. Шулай уҡ һаулыҡҡа иғтибар бүлергә кәрәк. Аҙыҡ-түлек һайлағанда иғтибарлыраҡ булығыҙ.

ЫЛАҠ (22.12 — 20.01).
Алыҫ юлға сығырға тәҡдим итерҙәр. Баш тарта күрмәгеҙ. Эшегеҙҙе баһаларҙар. Балаларығыҙ уңышы менән ҡыуандырыр.

ҺЫУҒОЯР (21.01 — 19.02).
Аҙна уңышлы булмаҡсы. Күңелегеҙҙе ҡырған ваҡ-төйәк ваҡиғаларға әһәмиәт бирмәгеҙ. Улар тиҙ онотолор.

БАЛЫҠ (20.02 — 20.03).
Үҙаллылыҡ күрһәтегеҙ, күпселек эште үҙегеҙ башҡарығыҙ. Кемдеңдер арҡаһына ышыҡланыу килешмәҫ. Тотонорға торған ҙур проектты кисектереп тороғоҙ. Уҡыу һәм документтар юллау өсөн уңайлы мәл. Ял көндәрендә магазинға сығыуҙан тыйылып тороғоҙ, аҡсағыҙҙы урлатыуығыҙ мөмкин.