Өфөлә “Уңайлы көнкүреш йорто” булдырыу тәҡдиме өйрәнелә. “Был проект һаулығы буйынса мөмкинлеге сикле кешеләрҙе хеҙмәт урыны менән тәьмин итеү мәсьәләһен хәл итергә булышлыҡ ҡыласаҡ”, – ти идеяның авторы, баш ҡалалағы Совет райо­ны эшҡыуарҙары берләшмәһе етәксеһе Ольга Мырҙағолова.
Уның билдәләүенсә, һөҙөм­тә­лә инвалидтар эшле буласаҡ, ә бәләкәй бизнес хеҙмәткәрҙәр ме­нән тулыланасаҡ. Бындай алым Совет осоронда ла ҡул­ла­нылған: һаулығы буйынса мөм­кин­лек­тәре сиклеләр һөнәргә өйрә­те­леп, тегеү, бәләкәй ремонт менән шөғөлләнгән, аҡса эшләгән.
– Инвалидтар өсөн хеҙмәт күрһәтеүҙең айырым шарттары булдырылырға тейеш, – ти йүн­сел. – Ә ундай биналар беҙҙең ҡалала юҡ. Тимәк, төҙөргә кәрәк.
Күп функциялы “Уңайлы көн­күреш йорто” бер йыл эсендә 230 кешене уҡыта һәм эш менән тәьмин итә аласаҡ. Проектты коммерция инвестициялары аҡса­һына тормошҡа ашырыу күҙ­ал­лана.

Л. ҠОРМАНОВА.


Сафҡа баҫырға әҙерһеңме?
Республикала “Юнармия” Бөтә Рәсәй балалар-үҫмерҙәр хәрби-патриотик хәрәкәтенең төбәк бүлексәһе асылды. Уның етәксеһе итеп Дәүләт Йыйылышы – Ҡоролтай ҡарамағындағы Йәштәр йәмәғәт палатаһы рәйесе урынбаҫары Арсен Зинәтуллин һайланды.
Йәштәр палатаһында әйтеүҙә­ренсә, “Юнармия” Рәсәй оборона министрының тәҡдиме менән бул­дырылған һәм ил Президенты Вла­димир Путин тарафынан хуп­лан­ған. Хәрәкәттең маҡсаты – йәш бы­уын вәкилдәре күңелендә Рә­сәйҙең тарихына, географияһына, халыҡ­тарына, батырҙарына, дан­лыҡлы ғалимдарына һәм башҡа шәхес­тәренә ҡарата ҡыҙыҡһыныу уятыу. “Армеецтар” сафын һәр уҡыусы тулыландыра ала, шулай уҡ тотош хәрби-патриотик ойошмалар, клубтар, эҙләнеү отрядтары ағза булып инеү хоҡуғына эйә. ДОСАФФ хәрәкәт ағзаларына үҙ объекттарында шөғөлләнеү мөм­кинлеген бирә.
– “Юнармия”ның төп маҡсаты – йәштәр күңелендә илһөйәрлек, толерантлыҡ, экстремизмға ҡаршы берҙәм көрәш рухы тәрбиәләү, – ти Арсен Зинәтуллин. – Хәрби-ғәмәли спорт төрҙәре буйынса спартакиадалар, хәтер вахталары, яу юлдары буйлап походтар хәрәкәттең төп саралары буласаҡ.

А. РӘХИМҒОЛОВА.