Айҙың икенсе аҙнаһында көсөргәнеш артасаҡ. Көтөлмәгән шикле ваҡиғалар тынысһыҙлыҡ тойғоһо тыуҙырыр. Һеҙҙе аңларҙар тип өмөтләнмәгеҙ – көрсөк шарттарында бер телдә һөйләшеү мөмкин түгел. Унан тыш, артыҡ әүҙемлек һәм тиҙ арала ниҙер атҡарырға тырышыу өҫтәмә ҡаршылыҡ тыуҙырасаҡ. Эх, һеҙгә бер аҙға туҡтап торорға ине лә бит, булмаҫ шул! Шул уҡ ваҡытта бөтөнләй көтмәгән юҫыҡтан ярҙам килеүе ихтимал. Финанс мәсьәләләре бик уңышлы хәл ителер. Әммә иҫегеҙҙә тотоғоҙ: был көндәрҙә аҡса ғына түгел, мөхәббәт ҡолона ла әүерелеүегеҙ ихтимал. Иғтибарлы булығыҙ: һәр ялтыраған әйбер алтын буламы?
Дүшәмбе – уңышлы көн, эштә лә, шәхси тормошта ла күпкә өлгөрөрһөгөҙ. Шишәмбелә ҡаршылыҡлы ваҡиғалар күп булыр, шуға күрә мөһим саралар планлаштырмағыҙ. Шаршамбыла төп бурысығыҙ артыҡ тырышлыҡ күрһәтмәүҙән ғибәрәт, сөнки планды арттырып үтәүҙән бигерәк, берәй нәмәне боҙоп ҡуйыуығыҙ бар... Кесе йома – ял көнө. Йома башланғыстар өсөн ҡулай түгел, бигерәк тә – иртәнге сәғәттәр. Әммә башланған эштәрҙе тамамлап ҡуйыу өсөн ошо көндән дә уңайлыһы юҡ.

Ҡуҙы (21.03 – 20.04)
Үҙгәрештәр көтә. Кемдер аралашыу даирәһен үҙгәртер, бәғзе берәү сит илгә эшкә китер, ә кемдер донъя мәшәҡәттәренә сумыр.

Буға (21.04 – 21.05)
Һил көндәр. Уларҙың шундай булыуын үҙегеҙ тәьмин итергә тейешһегеҙ. Ниндәйҙер ғәмәлде башҡарырға ашыҡмағыҙ – барыбер яңынан эшләргә тура киләсәк.

Игеҙәктәр (22.05 – 21.06)
Финанс мәсьәләләренә ҡарата етдилек талап ителә. Һеҙгә ғәмәлде тикшереү генә түгел, ә уны хәл итеү өсөн яңы кешеләрҙе ылыҡтырырға ла кәрәк.

Ҡыҫала (22.06 – 23.07)
Биргән вәғәҙәләрҙе үтәү мәле еткән түгелме? Барыһына ла өлгөрмәҫмен, тип уйлайһығыҙмы? Ваҡытты һуҙырға тырышығыҙ.

Арыҫлан (24.07 – 23.08)
План ҡороу һәм уларҙы үтәй башлау өсөн ҡулайлы осор. Был тормоштоң һәммә тармағына ла ҡағыла.

Ҡыҙ (24.08 – 23.09)
Телегеҙҙе тыйығыҙ. Кемдер серен ышанып сискән икән, был хаҡта өндәшмәгеҙ, юҡһа бер-ике көндән башҡаларға ла мәғлүм буласаҡ.

Үлсәү (24.09 – 23.10)
Был аҙналағы ваҡиғалар – быға тиклем һеҙҙең менән булған хәлдәрҙең сағылышы. Ниҙер оҡшамаймы? Ә һеҙ үҙегеҙҙең ҡылыҡтарығыҙҙы нисек баһалайһығыҙ?

Саян (24.10 –22.11)
Кемделер ниҙәлер инандырырға теләһәгеҙ, был пландың нисек эшләүен һүрәтләгеҙ. Һөҙөмтәләр әле үк бар икәнлекте иҫбатлағыҙ.

Уҡсы (23.11 – 21.12)
Үҙ-үҙегеҙҙе юғарыраҡ баһалағыҙ, шул саҡта башҡалар ҙа хөрмәт итер. Яҡын кешегеҙҙе яңылыш уйларға мәжбүр итеүегеҙ бар.

Ылаҡ (22.12 – 20.01)
Низағлы, ҡатмарлы аҙна, бер кем менән дә тиҙ генә килешеп булмаҫ. Түҙемлерәк булығыҙ – тиҙҙән барыһы ла яйға һалынасаҡ.

Һыуғояр (21.01 – 19.02)
Ҡәҙимге көндәр түгел: эштә лә, шәхси тормошта ла тикшереүҙәр көтә. Бына ошо саҡта бик үк ыңғай булмаған дөрөҫлөк асылыр.

Балыҡ (20.02 – 20.03)
Тап һеҙҙең тырышлыҡ менән кемгәлер ҡарата мөнәсәбәтегеҙ үҙгәрер. Быға тиклем дә шик-шөбһәләрегеҙ булғандыр, әммә һығымта яһарға ашыҡмағанһығыҙ.