Уҡытыусыларыбыҙ беҙгә төплө белем биреү менән бер рәттән халҡыбыҙҙың тарихы, мәҙәниәте менән яҡындан таныштырыу маҡсатында йыш ҡына экскурсиялар, ҡыҙыҡлы сәйәхәттәр ойоштора. Мәҫәлән, күптән түгел хозур Ишембай ерендә булып ҡайттыҡ.
Сәйәхәт Түбәнге Әр­мет ауылынан башланды. Бында Бөйөк Ватан һуғышы ҡаһарманы, кү­ре­некле башҡорт яҙыу­сыһы Ибраһим Ғиз­зә­туллин тыуып үҫкән. Ауылда уның исемен йө­рөт­кән урам һәм мәктәп бар, бай музей бул­ды­рыл­ған. Уҡыу йорто директоры Наил Лутов кү­ре­некле ауылдашы, туп­лан­ған һәр экспонат ту­раһында ҡы­ҙыҡлы мә­ғ­лүмәт бирҙе. Әйт­кән­дәй, белем усағы билә­мәһенә Ибраһим Ғиззә­тул­лин­дың бюсы ла ҡуйылған.
Артабан Көҙән ауы­лы­на юл­ландыҡ. Баш­ҡорт­тоң данын бар донъяға танытҡан арҙаҡ­лы мил­ләттәшебеҙ Әх­мәт­зәки Вәлидиҙең тыу­ған ерен­дә шанлы тарих биттәрен барлағандай булдыҡ. Был тойғо шә­хе­се­беҙҙең музейында айырыуса көсәйҙе. Вә­лидиҙең ба­лауыҙҙан яһалған һыны, ултыр­ғысы, мөһим до­кумент­тарға ҡул ҡуйған өҫтә­ле... Музейҙың ифрат бай булыуы, өҫтәүенә директор Илдус Шәйәх­мәтовтың ғәжәп мауыҡ­тырғыс итеп һөйләүе беҙ­ҙе ныҡ тәьҫир­ләндерҙе. Әйткәндәй, музейға халыҡ күп килә икән.
Экскурсия барышында мәктәптәрҙә булып, үҙебеҙҙең уҡыу йорто, ҡыҙыҡлы студент тормо­шо тураһында һөйләнек, уҡырға килергә саҡыр­ҙыҡ. Рухланып, көс-дәрт алып ҡайттыҡ изге төйәктән.