Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Бала тыуғас – яңы һулыш
Бала тыуғас – яңы һулыш Сабый бүләк иткән саҡта Хоҙай ҡатын-ҡыҙға иҫ киткес көс һәм сыҙамлыҡ та ебәрә, тиҙәр. Төндәрен йоҡламаған йәш әсәнең яңы дәрт менән таңды ҡаршылауын, үтә йыуаш ҡатындың ҡапыл ҡыйыуланып китеүен, ҡайһы берҙәренең быға тиклем беленмәгән һәләттәренең асылыуын тағы нисек аңлатырға?!

“Улар – иң ҙур ҡаҙанышым!”
Бала тыуғас – яңы һулышИлүзәһен йөрәк аҫтында йө­рөткән саҡта Гүзәл Ҡунафина үҙе йәшәгән Красноусол ауылында балалар өсөн тауарҙарҙың наҡыҫлығына иғтибар итә. Бәпес тыуғас, карауат һәм коляска артынан Стәрлетамаҡҡа йә Өфөгә барырғамы ни? “Юҡ, Ғафури районы үҙәгендә балаларға махсус магазин булырға тейеш”, тигән ҡарарға килә буласаҡ әсә. Был ниәт ире Дамирға ла оҡшай. Бу­рысҡа аҡса, ҡуртымға бина алып, йәштәр теләктәрен тор­мош­ҡа ашыра.
Ике йылда эштәре алға киткән: Өфө һәм Стәрлетамаҡ ҡалала­рындағы күмәртәләп һатыу базалары менән бәйләнеш яйға һалынған, район халҡының ихтирамын яулауға өлгәшелгән. Иң мөһиме – Ҡунафиндар быйыл ҡыҙҙарына ҡусты алып ҡайтҡан һәм барлыҡ уңайлыҡтары булған яландай йорт һалып ингән!
Уңған әсә, ике балаһын тәрбиәләүҙән тыш, ял көндәре магазинда һа­тыу итергә көс таба. Шул арала Интернеттан ябай шарҙан үҙенсәлекле уйынсыҡтар эшләргә өйрәнеп, заказдар ҡабул итә башлаған.
Бизнес күп ваҡытты алһа ла, ғаиләгә зыян килтерергә тейеш түгел, тигән фекерҙә Ҡунафиндар. Шуға ла улар бөтәһен дә бергә башҡарырға тырыша – тауар артынан дүртәүләп йөрөйҙәр, магазинға эшкә сыҡҡанда йыш ҡына балаларын да алып килеп уйнаталар.
– Һатып алыусыларҙан ҡолаҡ ҡаҡһам-ҡағам, әммә мотлаҡ дүрт-биш тапҡыр ҡайтып, улымды имеҙеп киләм. Ике йәшлек Илүзәбеҙ бәпесте ҡарашырға, әүрәтергә эшкинде. Биш айлыҡ Асҡарыбыҙ ун килограмлыҡ баһадирға әүерелде. Улар – минең иң ҙур ҡаҙанышым, – ти Гүзәл.

Бойоғорға ваҡыты юҡ
Бала тыуғас – яңы һулышҺәр әсә балаларына тәмле торттар бешереп ашатырға яра­та. Күгәрсен районының Мораҡ ауылында йәшәгән Зәлиә Хәсә­нова ошо ғәҙәти эште бизнесҡа әүерелдергән. Күңел һалып әҙер­ләгән тәмлекәстәренән ауыҙ итеп ҡарамаусылар районда һирәк­тер, моғайын.
Ғаилә байрамдарына бешер­гән торттарын дуҫтары һәм туғандары оҡшатып, үҙенә лә эшләп биреүен һорай. Тора-бара заказдар яуа башлай. Һуңғы ике йылда Зәлиә был шөғөлдө шул тиклем үҙ итеп өлгөргән, хатта декретҡа тиклем бухгалтер бу­лып эшләгәнен ҡайһы берҙә онотоп та ебәрә икән.
– Бала саҡтан уҡ һүрәт төшөрә белмәнем, миңә был һәләт бирел­мәгәндер тип уйланым. Шуныһы ғәжәп: икенсегә әсәй булғас, рәсемдәр үҙенән-үҙе матур килеп сыға, торттарҙы ла еңел биҙәйем, – ти Зәлиә.
Заказды өлгөртөр өсөн уңғанбикә бисквиттарҙы төндә, балалары йоҡлағанда, бешерә. Иртән уларға кәрәкле форма биреп, ҡалалағы фабриканан яҙҙыртып алынған мастика тигән ҡуйы крем менән матурлай.
– Декреттағы ҡатын-ҡыҙға йыш ҡына аралашыу етмәй, ул кеше араһына сығырға ҡыйынһына башлай. Минең бойоғорға ваҡытым юҡ, сөнки көн дә тиерлек яңы таныштар табам, торттар өсөн биҙәктәр уйлап сығарам, кемдеңдер байрамын йәмләй алыуыма ҡыуанам. Тағы ла иремдең эш хаҡын көтөп ултырмайым, үҙемә етерлеге килеп тора, – ти оҫта ҡуллы ҡатын.
Әсәнән күргән – тун бескән, тигәндәй, туғыҙ йәшлек ҡыҙҙары Сабина мәктәптә яҡшы уҡый, яңыраҡ концертта бейеп тә ҡыуандырған. Кинйәләре Самира ла аралашыу­сан, сос бала булып үҫеп килә.

Ҡыҙҙар мехенди биҙәген ярата

– Улыбыҙ Сармат тыуғас, етдиерәк, ҡыйыуыраҡ булып киткәйнем, ҡыҙыбыҙ Әсилә күңелемде наҙға тултырҙы, – ти Ләйсән Ғарипова. – Ул ҡупшы кейенергә, прическалар эшлә­тергә ярата, ҙурайғас, иң матуры булам, тип хыяллана. Мехендиға тотоноуыма ла ике йәшлек ҡыҙым сәбәпсе.
Һинд, шәреҡ актерҙарының ҡул суҡтарындағы һүрәттәр барыһына ла яҡшы таныштыр. Мехенди тип аталған был семәр хәҙер Рәсәй ҡатын-ҡыҙҙары араһында модаға инде. Кескәй Әсилә ҡулына ошондай биҙәк яһауҙарын һорай башлағас, әсәһе үҙе эшләп ҡарарға була.
– Тәбиғи ҡына буяуы менән биҙәнеү Исламда рөхсәт ителә, сөнки ул микробтарҙы үлтерә, һаулыҡҡа зыян килтермәй. Көн буйы мехенди яһап ултырған саҡтарымда ла арымайым, киреһенсә, күңел ял итә, – ти йәш әсә.
З. Исмәғилев исемендәге Өфө дәүләт сәнғәт академияһын тамамлаған рәссам ул Ләйсән, шуға ла баш ҡалабыҙҙа шөғөлөн уның кеүек камил башҡарыусылар һирәк. Оҫта ҡуллы ҡатынды бөгөн төрлө күмәк сараларға йыш саҡыралар. Мәҫәлән, уҙған аҙнала мәрхәмәтлек акцияһында ҡатнашып, эшләгән аҡсаһын берәҙәк хайуандарға ярҙам өсөн тапшырған. Был аҙнала Әсәләр көнө уңайынан буласаҡ әсәйҙәрҙе бушлай биҙәндереп һөйөндөргән.
– Декрет ялым аҙағына яҡынлашып килә. Эшкә сыҡһам да, мехенди сәнғәтен ташламаясаҡмын – күңелгә лә ята, табыш та килтерә, – ти нәзәкәтле ҡатын.





Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Өфөлә тыл эшсәне 95 йәшлек юбилейын билдәләне

Өфөлә тыл эшсәне 95 йәшлек юбилейын билдәләне 15.08.2025 // Йәмғиәт

Өфөнөң Ленин районынан тыл хеҙмәтсәне Зөбәйҙә Хәкимова 95 йәшен билдәләне. Район башлығы урынбаҫары...

Тотош уҡырға 16

Мысыр авиакомпанияһы Өфөнән Шарм-әл-Шәйехкә рейстар башҡара башлай

Мысыр авиакомпанияһы Өфөнән Шарм-әл-Шәйехкә рейстар башҡара башлай 15.08.2025 // Йәмғиәт

Мысыр авиакомпанияһы Өфөнән Шарм-әл-Шәйехкә рейстар башҡара башлай...

Тотош уҡырға 21

Өфөнән Шарм-әл-Шәйехкә яңы рейс асыла

Өфөнән Шарм-әл-Шәйехкә яңы рейс асыла 15.08.2025 // Йәмғиәт

Өфөнән Шарм-әл-Шәйехкә яңы рейс асыла...

Тотош уҡырға 18

1 сентябрҙән республика мәктәптәрендә һәм театрҙарында энергетиктар һатыу тыйыла

1 сентябрҙән республика мәктәптәрендә һәм театрҙарында энергетиктар һатыу тыйыла 15.08.2025 // Йәмғиәт

2025 йылдың 1 сентябренән «Башҡортостан Республикаһы территорияһында алкоголһеҙ тонусты күтәреүсе...

Тотош уҡырға 18

Башҡортостан Башлығы Беларусь менән мәктәп туризмы программаһын булдырыу хаҡында һөйләне

Башҡортостан Башлығы Беларусь менән мәктәп туризмы программаһын булдырыу хаҡында һөйләне 14.08.2025 // Йәмғиәт

Башҡортостан Беларусь Республикаһы менән берлектә уҡыусылар өсөн алмашыу буйынса ял ойошторҙо....

Тотош уҡырға 27

Ғәҙәттән тыш хәлдәр министрлығы томан һәм йәшен хаҡында иҫкәртте

Ғәҙәттән тыш хәлдәр министрлығы томан һәм йәшен хаҡында иҫкәртте 14.08.2025 // Йәмғиәт

Ғәҙәттән тыш хәлдәр министрлығы томан һәм йәшен хаҡында иҫкәртте...

Тотош уҡырға 23

Ғафуриҙа Еҙем йылғаһы аша йәйәүлеләр күпере төҙөкләндерелә
Башҡортостанда ҡорот байрамы ойошторола

Башҡортостанда ҡорот байрамы ойошторола 14.08.2025 // Йәмғиәт

16 августа Хәйбулла районының Аҡъяр ауылында «Хәйбулла ҡорото» төбәк-ара этно-фестивале уҙғарыла....

Тотош уҡырға 30

Республикала табиптарға остазлыҡ өсөн өҫтәмә аҡса түләнә
Силәбе өлкәһендә көслө боҙ-борсаҡ яуған

Силәбе өлкәһендә көслө боҙ-борсаҡ яуған 13.08.2025 // Йәмғиәт

Силәбе өлкәһендә көслө боҙ-борсаҡ яуған...

Тотош уҡырға 32

Башҡортостанда 31 меңдән ашыу кешегә «декрет пособиеһы» түләнә

Башҡортостанда 31 меңдән ашыу кешегә «декрет пособиеһы» түләнә 13.08.2025 // Йәмғиәт

Рәсәй Социаль фондының республика бүлексәһе эшләп йөрөгән әсәйҙәргә, ҡайһы бер осраҡтарҙа атайҙарға...

Тотош уҡырға 30

Өфө мэры йәш яҡташыбыҙға яһалма интеллект буйынса олимпиадала еңгән өсөн рәхмәт белдерҙе

Өфө мэры йәш яҡташыбыҙға яһалма интеллект буйынса олимпиадала еңгән өсөн рәхмәт белдерҙе 13.08.2025 // Йәмғиәт

Өфөнөң 58-се лицейын тамамлаған Тимур Ғарифуллин 2-8 августа Ҡытайҙа үткән яһалма интеллект буйынса...

Тотош уҡырға 26