Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ашҡынып килде ҡан-ҡәрҙәштәр
Башҡортостанда барған Һарытау һәм Һамар башҡорттары мәҙәниәте көндәре уңайынан “Башинформ” мәғлүмәт агентлығында матбуғат конференцияһы ойошторолдо.


Республика мәҙәниәт министрының беренсе урынбаҫары Валентина Латипова әйтеүенсә, мәҙәни проект күптән тормошҡа ашырыла, әлеге сараның программаһы ла бик бай. Быға тиклем ойошторолған Силәбе, Ырымбур өл­кәһе, Ханты-Манси автономиялы ок­ругы, Ҡурған өлкәһе башҡорттары мәҙәниәте көндәренән дә һәр кем бай тәьҫораттар менән таралған.
Волга буйы башҡорттарының байрамы Милли музейҙан башланған. Унан ҡунаҡтар баш ҡалабыҙҙың иҫтә­лекле урындарына онотолмаҫ сәфәр ҡылған, милли батырыбыҙ Салауат Юлаевтың һәйкәленә сәскә һалған, Рәми Ғарипов исемендәге 1-се баш­ҡорт республика гимназия-интернатында педагогтар һәм уҡыусы балалар менән осрашҡан. Ҡан-ҡәрҙәштәребеҙ шулай уҡ “Башҡорт халҡының үҫеш перспективалары: тарихҡа байҡау яһау, йолаларҙы һаҡлау, милли-дәү­ләт төҙөлөшөнөң моделе” тигән ғилми-ғәмәли конференцияла ҡатнашты, был сара кисә Хөсәйен Әхмәтов исемен­дәге Башҡорт дәүләт филар­мония­һында башҡортостандарҙың һамар һәм һарытауҙар менән берлектә әҙерләнгән гала-концерты менән тамамланды.
Һәҙиә Дәүләтшина, Ғөбәй Дәүләт­шин, Фатима Мостафина, Рәшит Ниғ­мә­ти ише арҙаҡлы шәхестәрҙе үҫ­тергән Һамар өлкәһенән дә IV Ҡо­ролтайға алты тиҫтәнән ашыу делегат ашҡынып килде.
– Арабыҙҙағы халыҡтың яртыһынан күбеһе Башҡортостанға тәүге тапҡыр аяҡ баҫты. Дүрт ансамбль алып килдек, – ти Һамар ҡалаһы башҡорттары ҡоролтайы рәйесе Камила Сизякова. – Былтырҙан бирле “Юлдаш” радиоһын кинәнеп тыңлайбыҙ – милләттәш­тәребеҙҙең ниндәй тойғо кисергәнен белһәгеҙ икән! Республиканың Мәҙә­ниәт министрлығы менән бәйләнеш электән көслө, башҡа ойошмалар менән дә хеҙмәттәшлек итәбеҙ.
Һарытау өлкәһе башҡорттары ҡо­рол­тайы рәйесе Зөфәр Хәкимов – тыумышы менән Краснокама районының Иҫке Ҡабан ауылынан. Башҡортос­танға һәр саҡ ҙур тулҡынланыу менән аяҡ баҫа ул. Бәрәкәтле төбәктә фекерҙәштәре күп, терәк-таянысы ныҡлы.
– Тормош ҡайнай беҙҙә! – ти мил­ләттәшебеҙ. – Мәҫәлән, “Баш ҡоҙа” таныштырыу клубының эшен юғары ба­һалар инем. Уның маҡсаты – башҡорт егете менән ҡыҙын таныштырып ҡауыштырыу. “Кәмәлек башҡорт­тары – Л.Н. Толстой” тигән туристик маршрут асылыуы ла иғтибарға ла­йыҡ.
Һамар өлкәһенең “Халыҡтар берлеге” ойошмаһы рәйесе Ростислав Хугаев билдәләүенсә, улар үҙ ҡанаты аҫтына башҡорттарҙы ла һыйын­дыр­ған. Тиҙҙән ҡала үҙәгендә төҙөләсәк Дуҫлыҡ паркында милләттәштәре­беҙҙең йортона ла майҙан мотлаҡ бүленәсәк.
Бынан тыш, балаларға туған те­лендә белем биреү, мәҙәни сара­ларҙың уртаһында ҡайнау, меце­нат­тарҙың тос ярҙамдан айырмауы һәм башҡа ҡаҙаныштар тура­һында бәйән итте ҡунаҡтар.



Автор: И. АҠЪЮЛОВ.


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 008

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 368

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 175

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 893

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840