Киләһе йыл уҙғарыласаҡ Бөтә Рәсәй ауыл хужалығы иҫәбен алыу илебеҙҙә импортты алмаштырыуға йүнәлтелгән мөһим сара буласаҡ.

— Бөгөн аграр ресурстар хаҡында аныҡ һандар кәрәк. Иҫәп алыу һөҙөм­тәләрен төрлө кимәлдәге власть органдары түҙемһеҙлек менән көтә. Һуңғы иҫәп алыуҙан һуң тиҫтә йыл ваҡыт үткән. Шул осорҙан ауыл етештереү­селәре һанының үҙгәре­үен асыҡлау шарт, — тине “Росстат” етәксеһе урын­баҫары Константин Лайкам.
2016 йылдың 1 июленән 15 авгусына тиклем ойошторолған сара бары­шында ауыл хужалығы ойош­ма­ларының, крәҫ­тиән (фермер) хужа­лыҡтары, шәхси эшҡыуарҙар, шәхси ярҙамсы һәм граж­дандарҙың башҡа төрҙәге хужалыҡ­тарының, баҡса­сы­лыҡ, йәшелсәселек һәм дача берек­мәләренең иҫәбе алы­насаҡ. Шулай уҡ иҡтисади эшмәкәрлек, хеҙмәт һәм ер ресурстары, ауыл хужа­лығы куль­тураларының майҙаны, мал һаны, аҙыҡ-түлек етештереү, инфраструктура, кредит һәм субсидиялар күлә­ме лә асыҡланасаҡ. 2016 йылда Бөтә Рәсәй ауыл хужалығы иҫәбен алыу­ҙың төп үҙенсәлеге – мәғлүмәт йы­йыу­ҙа заманса технологиялар ҡул­ланыу. Мәҫәлән, шәхси ярҙамсы хужа­лыҡ алып барған граждандарға һорау биргәндә планшет компьютер­ҙарын ҡулланыу күҙаллана. Һөҙөм­тәлә мәғлү­мәттең сифаты, уны йы­йыу һәм эшкәр­теү йылдамлығы артасаҡ. Сараға йомғаҡ 2018 йылда яһала.