Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ҡартлыҡта ла бәхет бар
Ҡартлыҡта ла бәхет бар Өс ауылды берләштергән Яңы Балапан ветерандар советы рәйесе Рәжәп Малыбаевтың буш сағы юҡ тиерлек: йә ул Мораҡай ауылына юллана, йә Йәнекәйҙә йәшәгән оло йәштәгеләрҙең хәлен белешә, уларҙың теләктәрен тормошҡа ашырырға ярҙам итә.

Ауыл хакимиәтенән алыҫыраҡ йәшәгән халыҡтың көндәлек проблемаларын урында хәл иткән, уны биләмә башлығына йәки район етәксе­ләренә еткереүсе ролен дә үтәй бөгөн ветерандар советы. Тап уның тырыш­лығы менән урында төрлө мәҙәни саралар ойошторола, ауылдың тирә-яғын таҙартыу, шишмәләрҙе кәртәләү, ауыл зыяраттарын тәртипкә килтереү, оло йәштәгеләрҙе күркәм юбилейҙары менән тәбрикләү, алтын, гәүһәр туйҙарын билдәләгән ғаиләләрҙе ҡотлау кеүек эштәр атҡарыла. Йәмәғәт башланғы­сында эшләгәндәргә бер тин эш хаҡы түләнмәй, әммә улар үҙ хеҙмәтенә яуаплы ҡарай. Хатта Рәжәп Ильяс улының айлыҡ эш планы, ниндәй сараларҙың ҡасан, ҡайҙа үткәрелеүе хаҡында графигы ла төҙөлгән.
— Башҡа райондарҙа нисектер, әммә беҙҙә оло йәштәгеләр тулы тормош менән ҡайнап йәшәй, — ти Рәжәп Малыбаев. — Үҙебеҙҙең ауылды ғына алғанда ла, бер байрам да беҙҙән башҡа үтмәй. Мәҫәлән, Яңы Балапанда 200-ҙән ашыу кеше йәшәһә, шу­ның 64-е — пенсионер. Улар араһында 80 йәште үткән дүрт кеше бар, тормош ҡороу­ҙарының 60 йыллығын билдәләгән матур парҙар ҙа юҡ түгел. Һәр береһенең йортона барып, ветерандар советы исеме­нән шәхсән ҡотлап, бүләк тапшырабыҙ. Оло кешегә күп кәрәкмәй — йылы һүҙең, иғтибарың булһа, шул етә.
Әйткәндәй, бында оло йәштәгеләр ара­һын­да матур бер йола йәшәй. Улар хаҡлы ялға сығыусы “йәштәр”ҙе үҙ сафтарына тантаналы шарттарҙа ҡабул итә, наказдар бирә. Төрлө кисәләр өсөн бағыусыларҙы ла үҙҙәре эҙләй. Эшҡыуар ауылдаштары тарафынан матди ярҙам күрһә­те­лә. Мәҫә­лән, ауыл зыяратын кәр­тә­ләүҙә Рәмзиә Рамазанова ярҙам иткән.
Яңы Балапанда Байым ауыл биләмә­һен­дә генә түгел, хатта районда билдәле “Саңдүҙәк” фольклор ансамбле оҙаҡ йылдар уңышлы эшләй. Етәкселәре — Рәшиҙә һәм Сәриә Малыбаевалар. Ауылдың имам-хатибы Даян Ситдыҡов менән дә тығыҙ бәйләнештә ветерандар советы, сөнки иманлы ерҙә әхлаҡ барлығы һәр кемгә билдәле. Ҡорбан байрамы булһынмы, йома намаҙҙарымы – бер кем дә ауылдағы иман йортон ситләп үтмәй.
Ете тапҡыр район советы депутаты, оҙаҡ йылдар Шайморатов исемендәге колхоздың өсөнсө бригадаһы бригадиры булып эшләгән Рәжәп Малыбаевтың тағы ла бер ҡыҙыҡһыныуы хаҡында әйтеп китмәһәк, дөрөҫ булмаҫ кеүек. Ул — тыуған яғын өйрәнеүсе, шәжәрә төҙөүсе, тарихсы ла. Ҡатыны Сәриә ханым менән күп йылдар дауамында ауылдаштары, билдәле сәсән Ишмөхәмәт Мырҙаҡаевтың тормош юлын һәм ижадын өйрәнеп, тәүгеләрҙән булып уның шәжәрәһен төҙөй. Өфөләге архивтарҙа әллә күпме соҡоноп, айына хатта өсәр-дүртәр тапҡыр барып (барыһында ла үҙ аҡсаһына) Яңы Балапан ауылы тарихын өйрәнеп, китап сығара. Туғандары өсөн генә түгел, мөрәжәғәт итеүселәргә уларҙың шәжәрәһен төҙөүҙә ярҙам күрһәтә. Атаһы Ильяс Малыбай улының ҡурайсылыҡ һәләте улына ла күскән. Геройым халыҡ йырҙарын бик маһир башҡара.
Әлбиттә, эшләгән кешенең проблемалары ла булмай тормайҙыр. Бөгөн өс ауылдың оло йәштәгеләренә бар яҡлап терәк һәм кәрәк булған ветерандар советының ҡабул итеү бүлмәһенең юҡлығы ла эште бер аҙ ҡыйынлаштыра. Һәр саҡ кешеләрҙе үҙ йортонда ҡабул итә алмай бит. Икенсенән, бүлмә булғанда, хәл итәһе мәсьәләләрҙе лә бергәләп тикшереп, фекер алышырға мөмкинлек тыуыр ине.
Бөгөн дәртләнеп Оло йәштәгеләр көнөн ҡаршыларға йыйыналар, артабан көҙгө йәрминкәләр, Яңы йыл байрамдары етәсәк. Рәжәп Ильяс улы Малыбаевтың һәр көнө тынғыһыҙ үтә икән, тимәк, уның ярҙамына мохтаждар, эшенән ҡәнәғәттәр бихисап. Ҡартлыҡта ла бәхет бар, ти халыҡ мәҡәле.








Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 009

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 370

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 175

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 893

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840