Билдәле ғалим, профессор, социология фәндәре докторы Рәшит Исмәғил улы Ирназаров 80 йәшлек ғүмер байрамын билдәләй.

Ул Баймаҡ районының Темәс ауылында тыуа. Уҙған быуаттың 60 – 70-се йылдарында хәҙерге Өфө дәүләт авиация техник универ­ситетының аспиранты булараҡ, бил­дәле ғалим Н.Г. Аитов етәк­се­легендә фән юлында эш башлай. Ғилми йүнәлеш менән бер рәттән уҡытыуҙы ла уңышлы алып бара. Мәғрифәткә ике тиҫтә йыл ғүмерен бағышлай ул. Өфө дәүләт авиация техник, Башҡорт дәүләт университеттарында, БДУ-ның Сибай филиалында белем бирә.
Рәшит Исмәғил улын республика халҡының социаль хәле, төбәкте үҫтереү, уға идара итеү мәсьәләләре, милләт-ара мөнә­сәбәт айырыуса ҡыҙыҡһындыра. Уның 1990 йылда донъя күргән “Башҡорт­останда этностар тигеҙ­леге” тигән хеҙмәтен алтын фонд­ҡа индерергә мөмкин. Башҡа бихи­сап китаптары, мәҡәләләре лә ҙур баһаға лайыҡ.
Рәшит Ирназаров әле Башҡорт­остан Фәндәр ака­демияһының Социаль-сәйәси һәм хоҡуҡи тикшеренеүҙәр институтында уңышлы хеҙмәт итә. Коллектив абруйлы ғалимды тыуған көнө менән ихлас күңелдән ҡайнар ҡотлай һәм уға бәхетле оҙон ғүмер, һаулыҡ, ижади уңыштар теләй.