Учалы районының ҡала һәм ауыл биләмәләренә “Реаль эштәр” проектын бойомға ашырыу өсөн дүрт миллион һумдан ашыу аҡса бүленгән.

Быйыл июндә “Берҙәм Рәсәй” партияһы старт биргән проекттың төп маҡсаты – халыҡтың көнүҙәк мәсьәлә­ләрен хәл итеү планын әҙерләү. Хәҙерге ваҡытта Амангилде ауыл Советында балалар өсөн майҙансыҡ эшләнгән, Бәләкәй Ҡаҙаҡҡол халҡын иһә һыу менән тәьмин итеү өсөн скважина бырау­ланған, тип хәбәр ит­теләр “Берҙәм Рәсәй”ҙең төбәк бүлексәһендә.
Мәғариф учреждениеларында, подрядсы билдәләнеү менән, ремонт эштәре баш­ла­насаҡ. “Ҡыҙыл башлыҡ” балалар баҡса­һының ҡыйығына капиталь ремонт яһау, Бөйҙө һәм Мансур ауылдарындағы мәктәп­тәрҙә, Кирәбеләге балалар баҡсаһында, Уральск ҡасаба­һында­ғы “Ирәмәл” балалар ижады үҙә­ген­дә тәҙрәләрҙе алмаштырыу, Ил­се­ләге мәктәпкә канализация үткәреү ҡарал­ған. Комсомольск ауы­лындағыһына ағым­дағы төҙөклән­дереү эше талап ителә.
Мәҙәниәт учреждениеларында һәм ауыл­дарҙы күркәмләндереү буйынса ла ремонт эштәре күҙаллана. Ҡунаҡбай менән Сәфәр ауылдары халҡы аҡсаны янғынға ҡаршы мотопомпа һатып алыуға, наурыҙдар иһә Бөйөк Ватан һуғышында ҡатнашыу­сы­ларға һәйкәлде тәртипкә килтереүгә йүнәлтәсәк.