Бәхет йәш түккәнгә түгел, ә тир түккәнгә килә, тиҙәр. Ошо һүҙҙәрҙең хаҡлығына Республика йортонда үткән хеҙмәт уңғандарын ҡотлау тантанаһында тағы бер тапҡыр инандыҡ. Дәүләт наградаларына лайыҡ булғандар араһында ниндәй генә һөнәр эйәләре юҡ ине: ғалим, табип, эшҡыуар, тракторсы, йырсы, уҡытыусы... Уларҙың барыһын да һөнәренә тоғролоҡ, фиҙакәрлек берләштерә. Был хаҡта Башҡортостан Республикаһы Башлығы Хакимиәте етәксеһе Сергей Молчанов та әйтте.


Рәмил Мөхәмәдйәровтың Белорет металлургия комбинатында эшләүенә тиҙҙән 30 йыл тула. Ул – канат цехында машинист. Ябай ғына хеҙмәтенең Баш­ҡорт­остан Респуб­ли­ка­һының Почет гра­мотаһы менән ба­һала­ны­уына ҡы­уа­нысын йәшерә алмай. Нәҡил Рәх­мәтов та ошондай уҡ тойғо кисерә. Бүребай тау-байыҡтырыу комбинатының ер аҫты шарт­латыу­сы­һы Нәҡил Мәжит улына “Баш­ҡорт­ос­тан Рес­пуб­лика­һы­ның атҡаҙанған шахтеры” тигән маҡтаулы исем бирелде.
Х. Єхмәтов исе­мен­дәге Башҡорт дәүләт фи­лар­мо­ния­һы солисы Айгөл Ћағын­баева­ны республикала ғына түгел, күрше төбәктәрҙә лә яҡшы беләләр. Уның моңо тамашасы һөйөүен күптән яу­лаған. Йырсыға Башҡортостан Рес­публикаһының Почет грамотаһы тапшырылды. Ошондай уҡ дәүләт наградаһына Єбйәлил районының Асҡар ауыл хакимиәте башлығы Иршат Малыбаев, “Чернобыль” союзының ветерандар, инвалидтар төбәк йәмәғәт ойошмаһы рәйесе урынбаҫары Азат Фәй­зуллин, ошо уҡ ойошманың Борай райо­нындағы бүлексәһе етәксеһе Фидарис Шәмсийәров, Илеш районының Љужбахты ауыл хакимиәте башлығы Єлфрит Хәтмуллин лайыҡ булды.
– Чернобылдәге фажиғә эҙемтәләрен бөтөрөүҙә республикабыҙҙан 3 мең 700 кеше ҡатнашҡайны. Єле уларҙың ике меңдән ашыуы иҫән-һау, – тине Азат Фәйзулла улы.
Тантанала бүләкләнгән һәр кемдең фиҙакәр хеҙмәте, уңыштары хаҡында әллә күпме бәйән итергә мөмкин булыр ине.