(22 – 28 июнь)
ҠУҘЫ (21.03 — 19.04).
Ниндәй генә һөнәр эйәһе бул­һа­ғыҙ ҙа, аҙна фекерләү эшмә­кәр­ле­генә бай булмаҡсы. Осор ба­шында уҡ, теләйһегеҙме-юҡмы, логик мәсьә­ләләрҙе сисергә, мөһим ҡа­рарҙар ҡабул итергә тура киләсәк. Күрһәтмәләрҙең нисек үтә­леүен күҙәтеүҙе лә һеҙгә йөкмә­тәсәктәр. Шуға күрә был аҙнала күңел тө­шөн­көлөгөнә бирелергә, тыныс­ланырға ваҡыт булмаясаҡ.

БУҒА (20.04 — 20.05).
Күптән билдәләгән ниәт­тәре­геҙ­ҙе тормошҡа ашырыу осоро. Тик яҡындарығыҙҙың кәйефен төшө­рөп, күрһәтмәләр бирергә, баш­баштаҡ­лыҡ күрһәтергә ашыҡмағыҙ. Килә­сәктә низағ, бәхәстәргә юл ҡуймау өсөн юридик документтар тултырыу менән шөғөлләнерһегеҙ, моға­йын. Аҙна яңы тормош башлау өсөн бик ҡулай.

ИГЕҘӘКТӘР (21.05 — 21.06).
Аҙна һәр йәһәттән уңышлы бул­маҡсы. Тормоштан нимә теләгә­не­геҙҙе аныҡ билдәләргә ваҡыт. Шуға күрә күңелһеҙлектәргә иғти­бар итмәҫкә тырышығыҙ, уларҙы килә­сәктә уңышҡа өлгәшеү өсөн ҡайһы бер ғәҙәти күренештәрҙән ҡотолоу сараһы булараҡ ҡабул итегеҙ. Аҙнаның икенсе яртыһында көс-ҡеүәтегеҙ бермә-бер артыр.

ҠЫҪАЛА (22.06 — 22.07).
Хис-тойғоларҙың ташып торған мәле. Үҙегеҙ өсөн яҡындары­ғыҙ­ҙың яңы һыҙаттарын, теләктәрен һәм ихтыяждарын асыуығыҙ ихтимал. Был киләсәктә мөнәсәбәт­тәрҙе көйләү өсөн бик тә файҙалы була­саҡ. Аҙна аҙағында сабыр булығыҙ, тырышлығы­ғыҙ­ҙың һө­ҙөм­тәһе һуңыраҡ һиҙелер.

АРЫҪЛАН (23.07 — 22.08).
Шатлыҡ-ҡыуаныстарға бай осор көтөлә. Көс-ҡеүәтегеҙҙе тейешенсә файҙаланырға тырышығыҙ. Аҙна уртаһында бер аҙ күңел төшөн­көлөгөнә бирелерһегеҙ, моғайын, шуға күрә күберәк ял итергә, көндәлек мәшәҡәттәрҙе оноторға кәңәш ителә. Матди хәлегеҙҙең яҡшырыуы, ҡулығыҙға аҡса кереүе ихтимал.

ҠЫҘ (23.08 — 22.09).
Мәшәҡәтле аҙна көтөлә. Күңел­һеҙлектәрҙә ғәйепте үҙегеҙҙән эҙ­лә­геҙ. Кеше иҫәбенә байығыу те­ләгенән баш тартығыҙ, был яҡшыға килтермәҫ. Матди хәлегеҙ ҙә ыңғай яҡҡа үҙгәрмәҫ, өҫтәүенә абруйығыҙ кәмер. Шуға күрә ғәмәл­дәрегеҙҙе һәр йәһәттән ныҡлы уйлап башҡарығыҙ.

ҮЛСӘҮ (23.09 — 22.10).
Тормошоғоҙ күңелһеҙ, бер төр­лө тойолор. Төшөнкөлөккә бире­ле­үе­геҙ, үҙ эсегеҙгә бикләнеүегеҙ мөм­кин. Әлеге мәлдә бының фай­ҙалы булыуы ла ихтимал, сөнки хәрәкәттән туҡтамау мөмкин түгел, ял итергә лә кәрәктер. Тырышлыҡ күрһәтһәгеҙ, байтаҡ мәсьәләләрҙе хәл итеп, уңышҡа өлгәшерһегеҙ.

САЯН (23.10 — 21.11).
Аҙнаны үҙегеҙгә арнағыҙ. Рухи донъяға иғтибар итегеҙ. Был йә­һәт­тән психологик тестар, медитация ярҙам итер. Матди мәсь­ә­лә­ләрҙе яйға һалыу за­рур­лығы тыуыр. Бурыстарҙан ҡото­лорға тыры­шы­ғыҙ. Ял көндәрен ғаиләгеҙ, туғандар һәм яҡын­дарығыҙ менән үткәрергә кәңәш ителә.

УҠСЫ (22.11 — 21.12).
Бер аҙ ял итеп алығыҙ. Осор башында уңыш һеҙҙең ҡатнаш­лыҡ­тан башҡа ла килер, аҡса кереме лә көтөлә. Мәшәҡәттәрҙең бер өлөшөн иңегеҙҙән төшөрөгөҙ. Ял алыу мөмкинлеге булмаһа, эшлекле бәйләнештәрҙе, ҡарар ҡабул итеүҙе мөмкин тиклем кәметергә тырышығыҙ.

ЫЛАҠ (22.12 — 19.01).
Һәр ғәмәлде үлсәп, уйлап баш­ҡарығыҙ. Тормошоғоҙҙағы үҙгә­рештәр ыңғай булһын тиһәгеҙ, аҫтыртын эштәрҙән йыраҡ тороғоҙ. Иҫкелектән ҡотолорға, яңы хәл-шарттарҙы ҡыуанып ҡаршыларға әҙер булығыҙ. Тиҙҙән һәр йәһәттән ҡәнәғәтлек тойғоһо кисерерһегеҙ.

ҺЫУҒОЯР (20.01 — 18.02).
Ғаиләгеҙ һәм яҡындарығыҙ иғ­ти­бар талап итер, моғайын. Аҙна башында битарафлыҡҡа бирелеп, тор­мошҡа ҡыҙыҡһыныуҙы юғал­ты­уығыҙ ихтимал. Шуға күрә күп ва­ҡытты яҡындарығыҙ менән үт­­кә­рергә кәңәш ителә: күңеле­геҙҙе тап улар күтәрер. Хис-той­ғо­ларығыҙҙо тәртипкә килтереү, көс-ҡеүәт туплау, ял итеү өсөн уңайлы мәл.

БАЛЫҠ (19.02 — 20.03).
Эргәгеҙҙәге аҡыллы кешеләрҙең кәңәшенә ҡолаҡ һалығыҙ. Килә­сәктә эшегеҙ уңышлы барһын өсөн әле һеҙгә союздаштар тупларға, уларҙың ярҙамына таянырға кәрәк. Теге йәки был ғәмәлде баш­ҡар­ғанда эске һиҙемләү ҡеүәһенә мөрәжәғәт итеү ҙә зыянға булмаҫ.