Рәсәй Хөкүмәте Рәйесе Дмитрий Медведев Демография сәйәсәте концепцияһының тормошҡа ашырылыуына арналған видеоселектор кәңәшмәһе үткәрҙе. Унда Башҡортостан Башлығы Рөстәм Хәмитов та ҡатнашты.

Ил Хөкүмәте Премьер-министры билдәлә­үенсә, демография өлкәһендә байтаҡ мәсьәлә хәл ителгән.
– Егерме йылдан ашыу ваҡыт эсендә тәүге тапҡыр халыҡтың тәбиғи артыуына өлгәштек. Ғүмер оҙайлылығы ла арта. Был күрһәт­кестәр — илдәге социаль тормоштоң бик мөһим факторы, — тине Дмитрий Медведев.
Хөкүмәт башлығы әйтеүенсә, демография өлкәһендә борсоуға һалған күренештәр ҙә юҡ түгел.
– Былтырҙан башлап үлем кимәле үҫә башланы. Быйылғы дүрт ай эсендә, йәғни ғин­уарҙан алып апрелгә тиклем, күрһәткес 3,7 процентҡа артҡан. Быға эпидемиялар, социаль проблемалар, медицинаға бәйле мәсьәләләр сәбәпсе. Хәлде ныҡлы тикше­рергә кәрәк, — тип белдерҙе ул.
Премьер-министрҙың билдәләүенсә, Рә­сәй­ҙә табиптарҙың абруйы ҙур. Хөкүмәт улар­ға артабан да ярҙам күрһәтеү сараларын да­уам итәсәк, эш хаҡын арттырыу мәсьәлә­һен дә ҡараясаҡ, тине Дмитрий Медведев.