Ћәммәбеҙҙе ҡыҙыҡһындырһын сәләмәт тормош » Башҡортостан гәзите | Газета Башкортостан на башкирском языке. Архив материалов.

Башҡортостан гәзите » Йәмғиәт » Ћәммәбеҙҙе ҡыҙыҡһындырһын сәләмәт тормош

Ћәммәбеҙҙе ҡыҙыҡһындырһын сәләмәт тормош 26.05.2015 // Йәмғиәт

Тиҙҙән баш ҡалабыҙҙа уҙасаҡ халыҡ-ара саммиттар алдынан, 25 – 29 майҙа, Өфөлә ШОС һәм БРИКС илдәренең һаулыҡ һаҡлау аҙналығы үткәрелә. Илебеҙҙең медицина, фармацевтика юғары уҡыу йорттары ректорҙары менән Рәсәй – Љытай медицина университеттары ассоциацияһының берлектәге кәңәшмәһендә медицина белеме буйынса һөйләшеү алып барыласаҡ. Унда педиатрия, стоматология, акушерлыҡ һәм гинекология, рентгенология һәм башҡа мәсьәләләр ҙә ҡаралырға тейеш. Өҫтәүенә, Башҡортостан медицина университеты клиникаһында урология, торакаль хирургия буйынса операциялар эшләнәсәк.

Быйылғы йыл йөрәк-ҡан тамырҙары сирҙәрен иҫкәртеү һәм дауалау йылы тип иғлан ителгәйне. Был проблема ла аҙналыҡта күҙ уңынан ысҡындырылмаясаҡ. Харбиндағы медицина университеты ректоры, билдәле фармаколог, АЉШ, Австралия һәм Рәсәй университеттарының почетлы профессоры Ян Баофен, Рәсәй Ћаулыҡ һаҡлау министрлығының штаттан тыш баш белгесе, кардиолог Ирина Чазова һәм башҡалар үҙ тәжрибәһе менән уртаҡлашасаҡ.
Кисә Өфөләге “Динамо” стадионында табиптар һәм һаулығын нығытҡан пациенттар командаларының футбол матчы үтеүе күптәрҙә ҡыҙыҡһыныу уятты. 28 майҙа баш ҡалалағы В.И. Ленин исемендәге паркта сәләмәтлек байрамы уҙасаҡ. Унда ҡан баҫымын тикшертергә, холестерин кимәлен асыҡларға, кардиологтарҙың, онкологтарҙың һәм башҡа табиптарҙың кәңәшен алырға мөмкин. Бынан тыш, сәләмәт туҡланыу, умартасылыҡ, дарыу үләндәре күргәҙмәләре, байрам концерты, моғайын, тамашасыларға оҡшамай ҡалмаҫ.

Автор: А. ӘХМӘТОВА.

Баҫып сығарырға