Истанбулда “Асыҡ дипломатия, медиа, мәғлүмәт” IV Бөтөн донъя төрки форумы тамамланды.

Дүрт көнлөк сарала донъяның 60 иленән 400-гә яҡын делегат ҡатнашты. Улар араһында Төркиә, Азербайжан, Ҡаҙағстан, Ҡырғыҙстан, Үзбәкстан кеүек төрки телле илдәр, Рәсәйҙең Башҡортостан, Татарстан, Дағстан республикалары, шулай уҡ Голландия, Германия, Македония, Чехия, Франция, Венгрия кеүек Европа дәүләттәре вәкилдәре бар ине.
Ун секция ултырышында йәмәғәт дип­ломатияһына, киң мәғлүмәт сараларына, мәҙәниәткә һәм туризмға ҡағылышлы мәсьә­ләләр ҡаралды. Сығыштарҙан һуң төплө фекер алышыу булды. Истанбул университеты профессоры Хаяти Туфекчиоглу рәйеслегендәге секция ултырышында Башҡортостан вәкиле, “Баш­информ” агентлығының мәҙәниәт мәсьәләләре буйынса күҙәтеүсеһе Ләйлә Аралбаева-Ишморатова сығыш яһаны.
Халыҡ-ара форумда төрки телле ил­дәрҙең иң сағыу вәкилдәренә дипломатия, эшҡыуарлыҡ, фән, технологиялар, мәҙә­ниәт, спорт өлкәһендәге ҙур ҡаҙаныштары өсөн “Ҡыҙыл Алма” премияһын тапшырыу тантанаһы ойошторолдо. Бүләкләнеүселәр араһында танылған башҡорт композиторы Нур Дауытов та бар.