Хәл ялға
барып етһә...

Ярты ставкала педагог-психолог булып эшләйем. Йыл һайын бирелә торған ялым 24 көн тәшкил итәсәк һәм аҡ­саһы яртылаш ҡына түләнә­сәк, тинеләр...

Илгизә.
Бөрө районы.

Хеҙмәткәр тулы ставкала эш­лә­мәһә лә, йыл һайын тәҡдим ителгән түләүле отпуск яртылаш ҡына бирелергә тейеш түгел (Рәсәй Хеҙмәт кодексының 93-сө статьяһы). Тимәк, һеҙҙең дә ялы­ғыҙҙы тулыһынса файҙалана алыу хоҡуғын сикләй алмайҙар. Дө­йөм белем биреү ойошма­һын­да эшләгән педагог-психологтар өсөн был – 56 календарь көн. Етәкселек һеҙгә 24 кенә көн ял тәҡдим итеп, хоҡуғығыҙҙы боҙа. Є бына түләү мәсьәлә­һенә килгән­дә, ул уртаса эш хаҡына ҡарап билдәләнә. Ћеҙҙең хеҙмәт өсөн хаҡ ставканы уртаға бүлеп ҡу­йылғас, отпуск өсөн аҡса күләме лә ике тапҡырға кәмерәк килеп сыға.


Бер тинлек ҡуян ун тинлек зыянмы? Әллә...

Магазинда быҡтырыл­ған ит һатып алдым. Өйгә ҡайт­ҡас, һауыттың тулы түгел­ле­ген, өҫтәүенә аҙыҡ­тың си­фаты насар икәнлеген асыҡ­ланым. Икен­се көндө ит­те тотоп магазинға киттем. Єммә аҡсаны кире ҡайтар­маны­лар, мине консерваны асып итте ашауҙа һәм һы­уыт­ҡысҡа ҡуймауҙа ғәйеплә­неләр...

Ильяс.
Өфө ҡалаһы.

“Ҡулланыусылар хоҡуҡта­рын яҡлау тураһында”ғы Закондың 7-се статьяһына ярашлы, быҡ­ты­рылған итте икенсеһенә алмаш­тырырға йә­ки аҡсағыҙҙы кире ҡайтарырға тейештәр ине, сөнки ҡануниәт­тә һауыттың асылыу-асылмауына бәйле бер ниндәй ҙә сик­ләүҙәр юҡ.
Тағы бер иҫкәр­мә бар: нин­дәй ҙә булһа аҙыҡ-түлекте һа­тып алып сифатһыҙ икәнлеген асыҡлағас, мага­зин­ға тиҙ ара­ла дәғүә белдерергә кәрәк. Єгәр һатыусылар тиҫ­кәре­лә­неп маташһа, аҙыҡҡа экспертиза үткәреү мөмкин. Є был процедура бушлай эш­лән­мәй. Өҫтәүенә осһоҙ әйбер һатып алынған икән, уның хаҡынан да күберәк аҡсаның кеҫәгеҙҙән “сығып осоуы” ихтимал. Ћеҙгә магазин етәкселе­генә дәғүә­геҙ­ҙе белдереп ике дана ғари­за ҡал­дырырға кәрәк ине. Унда хәлде асыҡлап яҙырға һәм сауҙа нөк­тәһенең эшмәкәрле­ген тикше­реү­ҙәрен һорап, “Роспот­реб­надзор”ға мөрәжә­ғәт итергә теләүегеҙ ха­ҡында белдерергә тейеш­һегеҙ. Магазин хеҙмәткәрҙәре ҡул ҡуй­ған ғаризаның берәүһе – үҙе­геҙҙә, икенсеһе магазинда ҡала.