Психологтар билдәләүенсә, кейемдең төҫө лә ҙур әһәмиәткә эйә. Теләйбеҙме-юҡмы, тирә-яҡтағыларҙың беҙгә ҡарата мөнәсәбәте тап ошо факторға ла бәйләнгән. Төҫ хис-тойғоға, кәйефкә тәьҫир итә. Белгестәр айырыуса ҡара төҫтәге кейем­дәрҙе өнәп етмәй: депрес­сияға, күңел төшөнкөлө­гөнә алып килеүе мөмкин тигән фекерҙә улар.

Уның ҡарауы, рәхәтләнеп аҡ кейем кейергә мөмкин – был төҫ таҙалыҡ, бөхтәлек һәм нәфислектән башҡа бер ниндәй ҙә көслө хис-тойғо тыуҙырмай. Ә бына ҡыҙыл кейемле ҡатын-ҡыҙға ир-аттан тәҡдимдәр, маҡтау һүҙҙәре яуа башлаһа, бер ҙә аптырамағыҙ.
Һары ижад һәм көтөү төҫө һанала. Шулай ҙа ир-атты бындай төҫтәге кейем менән ҡурҡытыуҙан һаҡланығыҙ. Ирҙәр йүләр түгел, улар һары кейемле ҡатын-ҡыҙҙан ниндәйҙер ҡурҡыныс (ауға сыҡҡан һәм “мөнәсәбәт” теләй) килеүен һиҙә.
Йәшел – хакимлыҡ яратҡан, баш­ҡалар­ҙан өҫтөн булырға теләгәндәр төҫө. Бындай кейем кешенең ғорур холҡон, үҙһүҙлелеген, етеш тормошта йәшәгәнен күрһәтә.
Иң яҡшыһы – асыҡ һары йәки ҡыҙғылт һары төҫлө кейем кейегеҙ. Ни өсөн тигәндә, ул – көс-ҡеүәт һәм шатлыҡ төҫө. Ҡара пальто елкәһенә асыҡ һары шарф бәйләһәң дә, иғтибарҙы йәлеп итәсәк.
Етди мөнәсәбәттәргә мохтаж һәм бы­ны күрһәтергә теләгән гүзәл зат зәңгәр төҫтө үҙ итергә тейеш. Был уның тыныс, бәхетле ғаилә усағы ҡорорға һәләтле булыуын күрһәтә, ә ир-егет быны һиҙә.
Һоро төҫ, ҡараңғыраҡ, ҡуйыраҡ бул­ған һайын, эс бошорғос тәьҫир итә, деп­рессияға этәрә. Бындай төҫтәге кейем­де берәй асыҡ төҫтәге әйбер (мәҫәлән, шарф, ҡайыш, манжет, брошка) менән би­ҙәп ебәрһәң, киреһенсә, кәйеф кү­тәрелә.