(“Табипһыҙ ҡалабыҙмы?”, 2015 йыл, 30 ғинуар)
Яңы Һәйет ауылы халҡы урындағы фельдшер-аку­шерлыҡ пункты хеҙ­мәт­кәрҙәренең эш хаҡы ҡыҫ­ҡартылыуына әсе­неп мөрәжәғәт иткәйне.

Был мәсьәләгә ҡарата Ишем­бай райо­ны хакимиә­тенән түбәндәге хатты алдыҡ:
“Рәсәй Һаулыҡ һаҡлау ми­нистр­лығы­ның 2012 йыл­дың 15 майын­дағы “Өлкән­дәр­гә тәүге ме­­ди­ци­на-санитария ярҙа­мы күрһә­теүҙе ойоштороу тура­һын­­дағы положение­ны раҫлау тура­һында”ғы 543-сө фарманына ярашлы, бер­­ке­тел­гән халыҡ һанына ҡарап һәм Башҡортостан Һаулыҡ һаҡлау ми­нистр­лы­ғы­ның 2014 йылдың 29 ок­тяб­рендәге “Бюджет сы­ғым­да­рын ҡулай­лаштырыу саралары планын (юл кар­таһы) тор­мош­ҡа ашырыу буйынса Рәсәй Һаулыҡ һаҡлау ми­нистр­лығы саралары планын раҫлау хаҡында”ғы 3257-се фарманы ниге­ҙендә фельдшер-акушер­лыҡ пункт­та­рының штат теҙ­мә­һе нор­маға килтерелде һәм ФАП мөдире ставкаһы­ның ярты­һын тәшкил итә (156 кешелек биләмәнең Ҡол­ғона участка дауаха­наһынан 20 саҡрым алыҫ­лыҡта ятыуы сәбәпле штат берәмеге 0,25 булырға тейеш).
ФАП-ты тотоу өсөн йылына 500 мең һум китә. Дауаланған кеше­ләрҙең реес­трына яраш­лы, килем өлөшө 90,4 мең һум тәшкил итә. Был һан иһә коммуналь сығымдарҙы ла ҡапла­май. Мөдирҙе ҡыҫҡартыу һәм уны ярты ставкаға күсереү йылына 200,5 мең һум аҡсаны һаҡлап ҡалдырасаҡ”.