1. Сания Сәғитова.
70 йәшен уҙған инәй утыҙ йыл дауамында автостоп ысулы менән сәйәхәт итә. Ошо осорҙа ул 40-тан ашыу илдә булған. Ҡайҙалыр сәйәхәткә сығыр алдынан тәү сиратта илдең үҙенсәлек­тәрен өйрәнә, маршрут төҙөй. Интернетта үҙ сайты юҡ. Киләсәктә Сания апай сәйәхәттәре тураһында ки­тап сығарырға ниәтләй. Гә­зит биттәрендә уның ту­ра­һында бер нисә мәҡәлә сыҡты. Яҙмалар менән “Баш­ҡортостан” гәзитенең сайтында танышырға мөмкин.
2. Стас Сырыгин.
Стас — Өфө ҡалаһынан. Велосипедта сәйәхәт итә. Әле ул АҠШ буйлап сәфәр ҡыла. Маршруты Нью-Йорк, Атлантика буйы, Лос-Анджелес аша үтә. Уға был юлы яҡынса биш мең саҡрым ара үтергә кәрәк.
3. Артем Воронков.
Стәрлетамаҡтан. Эшен таш­лап, сәйәхәт итергә сығып киткән. Ҡытайҙы автостоп менән үткән. Мотоциклда Вьетнамға барған. Әле Тайландта эшләп йөрөй, аҡса туплай. Пхукет утрауы буйлап сәйәхәт иткән, 3500 километр ара үткән.
4. Ришат Солтанов. (Уның менән әңгәмәне ошо биттә уҡығыҙ).
5. Руслан Алмаев.
Хәйбулла районы егете. Өфөлә уҡып йөрөгән еренән, тормошон ҡырҡа үҙгәртеп, сәйәхәткә сығып киткән. Интернет селтәре аша эшләй. Төрлө ысулдар менән сә­йәхәт итә. Әле Тайландта.
6. Нурия Catflat
Төрлө ысулдар менән сә­йәхәт итә. Бер илде һайлап, уны ныҡлы өйрәнә, халҡы, аш-һыуы, ғөрөф-ғәҙәттәре менән таныша. Уның сағыу фотоһүрәттәре менән Интернет селтәрендә танышырға була.
7. Камил Йыһаншин.
Яҙыусы. Кеше аяғы баҫ­маған ерҙәрҙе үҙ итә. Сәйә­хәттәре тураһында ҡыҙыҡлы яҙмалары менән матбуғат биттәрендә сығыш яһай. Уның ижады менән махсус сайтта танышырға була.
8. Тимур Сәлихов.
Төрлө илдәрҙә сәйәхәт иткән. Сәхифәләрен сағыу фо­толарҙа ла, видеояҙма­ларҙа ла күрергә мөмкин. Быйыл ғинуарҙа Азия сиктә­рендәге иң бейек нөктәләр­ҙең береһе Аконкагуаға менгән.
9. Руслан Фаршатов.
Уның программаһы “Ҙур сумаҙан” тип атала. Маҡсаты — сит илдә яңғыҙың тороп ҡалып, иң тыныс, иң шаулы ерҙе табып, урындағы ха­лыҡ­тың бер йырын өйрәнеп, уны кеше күп йөрөгән ерҙә башҡарыу һәм йыйған аҡсаңа киске аш һатып алыу.
10. Альбина Хәкимова.
Урындағы банктарҙың береһендә өс йылдан ашыу эшләгәс, тормошон үҙгәртер­гә була һәм сит илгә сығып китә. Үҙен ҡыҙыҡһындырған илдең телен өйрәнеп, туризм өлкәһендә эшләй. Әле Доминикан Республикаһында төпләнгән.