Миңәме, башҡағамы?

Шәхси йорттоң тәүге ҡатында – бер ғаилә, икенсеһендә беҙ йәшәйбеҙ. Ишектәр айырым, фа­тир­ҙарҙың һаны ла төрлө. Љасандыр бер йорт тип һанала ине, уны икегә бүлдек. Күршеләр әле үҙ өлөшөн һатырға йыйына. Улар иң тәүҙә беҙгә тәҡдим итергә тейешме?

З. ЗӘЙНУЛЛИН.

Учалы районы.

Фатирығыҙға милек хоҡуғын тер­кәү тураһындағы таныҡлыҡты ен­тек­ләп ҡарағыҙ. Унда “милек төрө” тигән графа бар. Єгәр шунда “ми­лек” түгел, ә “өлөшләтә милек” тип яҙылған булһа, күршегеҙҙең фатирын һатып алыуҙа өҫтөнлөккә хо­ҡуҡ­лыһығыҙ. Был осраҡта күршегеҙ үҙ өлөшөн кемгәлер тәҡдим итер алдынан һеҙгә хәбәр итергә тейеш. Єгәр һеҙ бер ай эсендә һатып алмаһағыҙ, улар фатирын һеҙгә тәҡдим ителгән хаҡҡа бүтәндәргә бирергә хоҡуҡлы (Рәсәй Граждан­лыҡ кодексының 250-се статьяһы).
Әгәр “хоҡуҡ төрө” графаһында “милек” тип яҙылған икән, үрҙә әйтелгән талаптар һеҙгә ҡағылмай.

Урынға
ҡарамай

Ваҡытлыса ҡыҙымда йәшә­йем. Ул эшләй, шуға ике йәшлек балаһын тәрбиәләүҙә ярҙам итәм. Уның фатирында теркәлмәйенсә страховка полисын юллап булырмы икән?

М. МӘХМҮТОВА.

Күмертау ҡалаһы.

Мотлаҡ медицина страховкаһы полисын ҡыҙығыҙҙың фатирында теркәлмәйенсә лә алырға мөмкин. “Рәсәй Федерацияһында мотлаҡ медицина страховкалауы тураһын­да”ғы Федераль закондың 16-сы статьяһындағы 2-се пункт ғариза биреү һөҙөмтәһендә страховка медицина ойошмаһын һайлау хоҡуғын бирә. Был ҡайҙалыр рәсми теркә­леп, икенсе урында йәшәүселәр, эшләүселәр йәки белем алыусылар өсөн отошло. Ошо Федераль закон­ға һылтанып, үҙегеҙгә уңайлы урында полис алырға мөмкин.
Документтың ниндәй урында бире­леүенә ҡарамаҫтан, Рәсәйҙең һәр төбәгендә медицина ярҙамы күрһәтелергә тейеш. Шуға полисы­ғыҙҙы алмаштырмаһағыҙ ҙа ярай. Ләкин медицина ярҙамын даими алыу өсөн ниндәйҙер бер урында теркәлеү мотлаҡ.

Етмеш йәш
сик түгел

Яңыраҡ етмешем тулды. Нисә йәшкә тиклем автомобиль йөрө­төргә мөмкин?

Б. БИЛАЛОВ.

Көйөргәҙе районы.

Юл хәрәкәте ҡағиҙәләрендә бер ниндәй ҙә сикләү юҡ. Рулгә улты­рыуҙы сәләмәтлек торошона бәйле, мәҫәлән, күҙҙең насар күреүе йәки йөрәктең ҡаҡшауы арҡаһында ғына тыйыуҙары ихтимал. Шуға алтмыш йәшен тултырған автоһәүәҫкәрҙәр йыл һайын медицина тикшереүе үтергә бурыслы. Водитель танытма­һының ғәмәлдә булыу ваҡытын оҙайтыу-оҙайтмау уның һөҙөмтә­ләренә бәйле.


Рубриканы
Айһылыу НИЗАМОВА
алып бара.