Тикрит ҡалаһы өсөн барған алышта Ираҡ­тың элекке етәксеһе Саддам Хөсә­йендең ҡәберлеге емерелгән.
***
Таиландтың Мэклонгв йылғаһында иң ҙур йылға балығын тотҡандар. Уның ауыр­лығы – 360 килограмм самаһы, оҙон­лоғо – 4,2 метр. Табышты кәртәләп алын­ған воль­ерға һигеҙ кеше көскә һөйрәп индергән.
***
Рәсәй Федерацияһының Премьер-министры Дмитрий Медведев иҫке элек­тричкаларҙан һәм плацкарт вагондарҙан арынырға саҡырҙы. “Әлбиттә, быны бө­гөндән тота килеп эшләп булмай, әммә уңайһыҙ, иҫке транспорт саралары ме­нән хушлашырға ваҡыт”, – тине ул Рә­сәй­ҙең транспорт машина төҙөлөшө үҫешенә арналған кәңәшмәлә.
***
Рәсәй космонавтары Елена Серова менән Александр Самокутяев, шулай уҡ Америка астронавы Барри Уилмор, йы­һанда 170 тәүлек самаһы эшләгәндән һуң, Ҡаҙағстан далаларына уңышлы ки­леп төш­тө. Йыһангирҙәрҙең сәләмәтлеге һәйбәт.
***
Яҡутияла тикшеренеүселәр 10 мең йыл элек йәшәгән носорог балаһы һө­йәк­тә­рен тапҡан. Хәҙер уның ниндәй шарт­тарҙа көн иткәнен, нимә менән туҡ­ла­нғанын һәм баш­ҡа үҙенсәлектәрен асыҡлау бурысы тора.
***
2014 йылда Башҡортостан халҡы Ҡы­рымдың Белогорск районына 217 миллион һумлыҡ ярҙам күрһәткән: техника, аҙыҡ-түлек менән тәьмин иткән, ремонт эштәре башҡарған.
***
Ғ. Ҡадиров исемендәге спорт үҙәге ағзаһы Дмитрий Колтаков Германияла донъяның боҙҙа мотоуҙыш буйынса 50-се шәхси чемпионатында еңеү яуланы.

Әйткәндәй
19, 20, 21 мартта баш ҡалабыҙҙың “Роди­на” кинотеатрында тамашасыларҙың үте­несе буйынса “Әсә” фильмы күрһә­те­лә­сәк. Продюсер Фәнил Ғәлимов хәбәр ите­үен­сә, фильмды рес­пуб­ликаның райондарында кино­мо­бил­дә лә күрһәтәсәктәр. Урындарҙа ре­жиссер һәм ижади төркөм менән осрашыуҙар үткәреү ҡаралған.
20 мартта фильмды Хәйбулла райо­ны­ның Бүребай, 21-ендә – Аҡъяр ауылы, 22-һендә – Ырымбур өлкәһенең Ҡыуан­дыҡ ҡалаһы, 23 мартта Силәбе өлкә­һе­нең Уфимка ҡасабаһы халҡы ҡарай ала. 24 март­та киномобиль Йылайыр районы­ның Юлдыбай ауылына, 25-ендә – Йылайыр ауылына, 26-һында – Күгәрсен ра­йо­ны­ның Йомағужа ауылына, 27-һендә – Мо­раҡҡа, 28-ендә Мәҡсүткә, 29 мартта Ейән­сура районының Иҫәнғол ауылына килә.