Әсәй булыуға бер ни етмәй. Йәшәйештең дә төп асылы шунда. Бер түгел, биш һәм унан да күберәк бала баҡҡан ҡатынға иһә баш эйерлек, таң ҡалырлыҡ. Кисә Башҡортостан Хөкүмәте Премьер-министры урынбаҫары Салауат Сәғитов күп бала тәрбиәләгән 50-нән ашыу ҡатынға “Єсәлек даны” миҙалын тапшырҙы.

– Былтыр республикала 60 мең 517 бала донъяға килде. Беҙҙә тыуымдың артыуы күҙәтелә. Ћеҙҙең арҡала, әсәйҙәр, республика халҡы ла күбәйә, – тине Салауат Тәлғәт улы һәм Башҡортостан Башлығының иң изге теләктәрен еткерҙе.
Єсәйҙәр тантана айҡанлы уй-кисерештәре менән уртаҡ­лашырға ашыҡ­ты.
– Был көн хәтеремдә мәң­гегә уйылып ҡалыр, ҡыуа­ныстан хатта күҙҙәремә йәш эркелде. Тантана алдынан данлыҡлы батырыбыҙ Салауат Юлаев һәйкәлен күреү күңелде тағы күтәреп ебәрҙе, – тине Ѓафури районының Љаранйылға башланғыс мәк­тәбе уҡытыусыһы Аймара Суфиянова. Ул ире Єхнәф ме­нән дүрт ул һәм бер ҡыҙ тәрбиәләй. Уңған ғаилә күпләп бал ҡорто тота.
Єбйәлилдән Єлиә Булатова әсәйҙәргә күрһәтелгән ҡәҙер-хөрмәт өсөн рәхмәт һүҙҙәрен шиғри юлдар аша еткерҙе. Уның яҡташы, Рыс­ҡужа ауылынан Ишбикә Басирова ла тантанаға саҡы­рыу­ҙарына шат. Күркәм ҡа­тындың иң өлкән ҡыҙы Ай­һылыуға – 22, иң бәләкәсе Єлфиәгә – ике йәш. Был ғаиләлә спортты үҙ итәләр.
Гүзәл зат бер ҡайҙа ла юғалып ҡалмай: ғаиләлә ул – донъя тотҡаһы булған әсә, ҡатын, эштә – тырыш хеҙмәткәр. Љайһы береһе хатта тотош хужалыҡ етәксеһе бурысын йөкмәй. Љыйғы районынан Антонина Латипова – ана шундай­ҙарҙан. Ул – крәҫтиән (фермер) хужалығы етәксеһе.
Тантанаға килгән әсәйҙәр араһында нин­дәй генә һөнәр эйәһе юҡ ине. Мәҫәлән, Гүзәл Мортазина – Иҫке Балтастағы 1-се урта мәктәптә уҡытыусы, Венера Искәндәрова – Йылайыр үҙәк район дауаханаһында шәфҡәт туташы, Миәкәнән Рузилә Батраева почтальон булып эшләй. Єммә ҡатындарҙы донъялағы бер изге һөнәр берләштерә. Улар бөтәһе лә – күп балалы әсәйҙәр!