Әҙәбиәт йылы уңайынан “Башҡортостан” гәзите редакцияһы, баҫмабыҙҙы уҡыусы­ларҙың, зыялыларыбыҙҙың ярҙамына таянып, “Ҡан-ҡәрҙәштәргә – китап” акци­я­һын ойоштора, тип хәбәр иткәйнек инде.

Хөрмәтле замандаштар, милләттәш­тәребеҙ­ҙең күбеһе Баш­ҡортос­тандан ситтә йәшәй. Республика нәшриәттәрендә сыҡҡан китаптар Рәсәй төбәк­тә­ренә барып етмәй, шуға күрә сит өлкәләрҙә көн иткән халҡыбыҙ вәкилдәре туған телебеҙҙә аралашыуға зар-интизар. “Башҡортса әҫәрҙәр уҡыһаҡ, ҡулыбыҙ­ға туған телдә сыҡҡан китапты тотһаҡ, ҙур ҡыуаныс кисерәбеҙ! “Бәйләнештә” социаль селтәренең башҡортса интерфейсы ғына рухи ихтыяжды бер ни тиклем ҡәнәғәтләндерә. Китаптар беҙгә лә килеп етһен ине!” – тип яҙа Силәбе өлкәһенән Марат исемле егет.
Ә ошондай күңел кисерештәре менән уртаҡ­лашҡандар, аралашыуға сарсағандар, ысынлап та, бихисап. Әйҙәгеҙ, ҡулыбыҙҙан килгән тиклем ситтә йәшәгән милләттәштәргә ярҙам ҡулы һуҙайыҡ. Силәбе, Ырымбур, Һамар, Һарытау, Ҡурған өлкә­ләрендә, Пермь крайы һәм башҡа яҡтарҙа төплән­гән башҡорттар үҙ телендә китап уҡып ҡыуанһын!
Хөрмәтле дуҫтар, һеҙҙән рухи хазина­лары­быҙ­ҙың сағылышы булған милли китаптар көтөп ҡалабыҙ!
Тулыраҡ мәғлүмәтте 272-05-43, 272-16-24 телефондарына шылтыратып белә алаһығыҙ.
Әйткәндәй, башланғысҡа тәүгеләрҙән булып түбәндәге дуҫтарыбыҙ ҡушылды:
Нажиә Игеҙйәнова, яҙыусы;
Әнәс Мирғәлиев, пенсионер;
Ноғман Мусин, Башҡортостандың халыҡ яҙыусыһы;
Рәшит Шәкүр, ғалим;
Миңһылыу Фәйзуллина, Өфө янындағы Чесноковка ауылынан.