Кисә Американың баш ҡа­­ла­һы Вашингтонда учреждениелар ябылып, хеҙмәткәрҙәр ялға ебәрелде. Быға уҙған ял көндә­ренән бирле ҡоторонған буран сәбәпсе икән. Тиҫтәләгән штат­та аэропорттар, мәктәптәр эш­лә­мәй, йорттар утһыҙ ҡалған. Беҙгә генә дауыл бер ни түгел...
***
Евросоюз санкцияларҙың “ҡа­ра” исемлегенә тағы бер ни­сә Рәсәй гражданын өҫтәне. Ун­да депутат, йырсы Иосиф Коб­зон да бар. Бәй, Америкаға ла Ио­сиф Давыдовичты егерме йыл инде индермәйҙәр, ә ул аптырамай.
***
Киевта онколог Игорь Щепотинды эштән ебәргәндәр. Нимә­һе ҡыҙыҡ: был хәл профессор операция яһаған ваҡытта бул­ған. Пациентҡа наркоз бирел­гәс, бүл­мәгә бер нисә кеше бә­реп инә лә хирургка эштән ҡыуы­лы­уы тураһында хәбәр итә. Бахыр сир­ле менән ни булғандыр, билдәһеҙ.
***
Рәсәй Хөкүмәте ауыл хужа­лы­ғына ярҙам рәүешендә 36 мил­лиард һум аҡса бирәсәк. Өйһәң – күп, бүлһәң – аҙ. Был сумма төбәктәргә таратылһа, һәр бе­ре­һенә күпме генә тамыр инде...
***
Марс планетаһында ҡалған ғүмерен үткәрәсәк 100 дәғүәсе исемлегенә өс Рәсәй ҡатын-ҡыҙы ла инде. Мәскәүҙән һәм Санкт-Петербургтан Анастасия Степанова, Оксана Дмитриева, Екатерина Владимирова мот­лаҡ йыһанға оса тигән һүҙ түгел был. Йөҙ кешенән 24-е генә һай­лап алынасаҡ.
***
Автоһәүәҫкәрҙәр өсөн яңы­лыҡ: “Лада Приора” машина­һын бүтәнсә эшләмәйәсәктәр. Уға ихтыяж аҙ икән. Әле баҙарҙа 17 генә шундай модель ҡалған. Кемгә кәрәк, ашығығыҙ!
***
Һөйөнсө! Башҡортостан 2014 йылда ил буйынса иң күп һөт һауып алған. Тимәк, өҫтәлдәрҙә үҙебеҙҙең ризыҡ етерлек буласаҡ.
***
Страховка компаниялары һа­ман да ҡырын эшен дауам итә. “ОСАГО” килешеүен төҙө­гән­дә өҫтәмә хеҙмәттәрҙе көс­ләп таҡ­ҡан өсөн Ишембайҙа йәнә бер ме­нед­жерға штраф һалынды. Шундай тәртип боҙоу осрағын­да проку­рату­раға мөрәжәғәт итергә кәрәк.