Башҡортостандың Ћаулыҡ һаҡлау министр­лығы мәҡәләгә яуап хатында бала табыу һәм унан һуңғы ваҡытта ҡатындарға медицина ярҙамын күрһәтеү Рәсәйҙең Ћаулыҡ һаҡлау министрлығы 2012 йылдың 12 нояб­рен­дә ҡабул иткән “Акушер­лыҡ һәм гине­ко­ло­гия (ярҙамсыл репродуктив техно­ло­гияларҙы файҙаланыу­ҙан тыш) йүнәлеше буйынса медицина ярҙамын күрһәтеү тәртибен раҫлау тураһында”ғы ҡарарына ярашлы атҡары­лыуы хаҡында белдергән. Бала тапҡандан һуң ҡатынға медицина ойошмаһында өс тәүлек бу­лырға тәҡдим ителә. Дауахананан һуң ул теркәлгән йәшәү урыны буйынса ҡатын-ҡыҙҙар консультацияһына диспансер күҙәтеүе өсөн ебәрелә. Медици­на тура­һындағы әҙәбиәт мәғ­лү­мәттәренә ҡара­ғанда, бә­пес­ләгәндән һуң ҡатын­дарҙың енси органдарының елһенеү сирҙәре көсәйә. Шуға инфекция ауырыуҙарынан һаҡланыу өсөн ҡатындарға дауахананан иртәрәк сығырға кәңәш ителә.
К. Шәмсетдиновтың хатында пациент­тың исем-шә­рифе күрһәтелмәүе сәбәп­ле, ундағы һорау­ҙарға аныҡ яуап биреп булмауы билдәләнгән.
Министрлыҡтан килгән хатта шулай уҡ, “Рәсәй Федерация­һында граждан­дар­ҙың сәләмәт­леген һаҡлау нигеҙҙәре тура­һын­да”ғы 323-сө Федераль закон­дың 13-сө статьяһындағы 1-се, 2-се пункт­тарға ярашлы, граждан­дың медицина ярҙамы күрһә­теү тураһындағы мөрәжәғәте, уның сәлә­мәтлеге, диагнозы, тикшереү ваҡы­тында алынған мәғлүмәт­тәр табип сере булып тора, тиелә. Уларҙы башҡа ке­ше­ләргә, шул иҫәптән вазифа­лыларға ла, граждандың үҙенең йәки законлы вәки­ленең яҙма рөхсәте нигеҙендә генә әйтергә мөмкин.