“Йәшлек” мәҙәниәт һарайында Көйөргәҙе районы ойошторолоуға 80 йыл тулыу айҡанлы мәктәп уҡыусыларының төбәк тарихына, уның тәбиғәт ҡомартҡыларына, арҙаҡлы шәхестәренә арналған фәнни-ғәмәли конференция үтте. Тантана ҡунаҡтарҙың башҡорт халҡының милли батыры һәм абыҙы Кинйә Арыҫлановтың һәйкәленә сәскә һалыуҙан башланды.
Сарала ҡатнашыусылар ра­йондың тарихи үҫеш юлын сәхнә­ләштерҙе. Төбәк йылъяҙмаһына данлыҡлы бит­тәр өҫтәгән шәхестәр тураһында һүҙ барғанда, зал Социалистик Хеҙ­мәт Геройы, Көйөргәҙе районының почетлы гражданы Шәүәли Вахитовты аяғүрә баҫып алҡышланы.
– Донъяла, илдә барған хәлдәрҙе ба­рығыҙ ҙа яҡшы беләһегеҙ, аңлайһы­ғыҙ. Шулай ҙа бирешмәйбеҙ, ауырлыҡ­тар алдында баҙап ҡалмаҫҡа ты­ры­шабыҙ. Төбәк тарихын артабан дауам иттерер йәштәрҙең быуындар сылбырын өҙмә­үе­нә ныҡлы ышанабыҙ, – тине ра­йон ха­ки­миәте башлығы Әхәт Ҡотләх­мәтов.
Конференцияны Рәшит Солтангә­рәев исемендәге Таймаҫ гимназияһы уҡыусыһы Инсаф Усманов “Көйөргәҙе районы Бөйөк Ватан һуғышы йылдарында” тигән доклады менән асып ебәрҙе. Ермолаевканың 1-се мәктә­бенән Анастасия Шабанова сығы­шын­да фронтта батырҙарса һәләк булған ауылдашы Виталий Григорьевич Мохненко тура­һында быға тиклем йәмә­ғәтселеккә билдәле булмаған күп яңы мәғлүмәт туплай алған.
Көйөргәҙе районы ауылдарының күп­селек урамдары күренекле яҡташ­та­рының исемен йөрөтә. Таймаҫ гим­на­зияһынан Сәриә Юлдыбаева тап бы­на шул урамдарҙың исемдәрен өйрән­гән.
Көйөргәҙе – әҙиптәргә бай төбәк. Бахмут мәктәбенән Яна Бобровская Людмила Шикина, Тамара Ғәниева, Зөһрә Ҡот­логилдиналарҙың тормошо һәм ижады тураһында бәйән итте. Таймаҫ гимна­зияһы уҡыусыһы Илүзә Ырыҫҡолова­ның “Солтан­гәрәевтәр шә­жәрәһе” ти­гән эҙләнеүе яҙыу­сыбыҙ Рәшит Сол­тангәрәевтең, уның нәҫел­дәштәренең тамырҙарын юллауы ме­нән күптәрҙә ҡыҙыҡһыныу уятты.
Конференцияла экологик темаға арналған докладтарҙың да урын алы­уы уны ифрат бай йөкмәткеле итте, сараның әһәмиәтен бермә-бер арт­тыр­ҙы. Яңы Мораптал мәктәбе уҡыу­сы­лары Алина Юлдашева менән Ал­һыу Мөлөкова, Яҡут күле тураһын­да бай мәғлүмәт туплау менән бер рәттән, тәжрибә үткәреп тә ҡараған икән. Ермолаевканың 2-се мәктәбенән Алла Трегубова, Данил Станкин, Ис­лам Иржанов тәбиғәт ҡомартҡы­ла­рын, тарихи һәм мәҙәни яҡтан иҫтә­лек­ле урын­дар­ҙы төркөмләп, туризм­ды үҫте­реү мәсьәләһен өйрәнгән. Павловка мәктә­бе уҡыусыһы Диана Әмә­кәсова­ның “Наҡаҫбаш ҡурсаулығы” док­лады ла шул яҡлап әһәмиәтле булды.
Хакимиәт башлығы Әхәт Ҡотләх­мә­тов фәнни-ғәмәли конференцияла ҡат­нашҡан уҡыусыларға күп томлы “Баш­ҡорт халыҡ тарихы” китабын тап­шырҙы. Уҡыусыларҙың докладтары, айырым йыйынтыҡ рәүешендә сыға­рылып, ҡунаҡтарға бүләк ителде.