Башҡортостан парламенты етәксеһе Константин Толкачев комитет рәйестәре һәм уларҙың урынбаҫарҙары менән Дәүләт Йыйылышы – Ҡоролтайҙың сираттағы ултырышында ҡараласаҡ закон проекттарын барланы.

Президиум ағзалары эште Дәүләт Йыйылышы ултырышының көн тәртибенә Башҡортостан Республикаһы буйынса айы­рым суд участкаларының мировой судья­ларын һайлау тураһындағы мәсьә­ләләрҙе индереү буйынса тәҡдимдән башланы.
Ҡоролтайҙың Торлаҡ сәйәсәте һәм инфраструктура үҫеше буйынса комитеты тәҡдиме менән әҙерләнгән “Башҡортостан Республикаһында Транспорт сараларын махсус туҡталҡаға күсереү, уларҙы һаҡ­лау, күсереү өсөн сығымдарҙы түләү һәм транспорт сараларын хужаларына ҡай­тарыу” Законына үҙгәрештәр индереү тураһында закон проекты тикшереләсәк. Ул күпселек автоһәүәҫкәрҙәргә эвакуация­ланған транспорт мәсьәләһен хәл итеүҙе еңеләйтергә мөмкинлек бирәсәк.
Урындағы үҙидара, гражданлыҡ йәм­ғиәт­тәрен үҫтереү институттары һәм киң мәғлүмәт саралары комитеты рәйесе Румил Аҙнабаев Күгәрсен районындағы элекке Сығарыш утары урынында яңы ауыл төҙөү тураһындағы закон проектын тәҡдим итте.
Парламент ултырышының эшен депутаттар яҡын арала закон статусын аласаҡ хоҡуҡи документтарҙы тикшереүҙән баш­лаясаҡ. Тәҡдим ителгән 39 закон проекты шулар иҫәбендә. Баш­ҡорт­­остандың Дәүләт Йыйылышы – Ҡоролтай ултырышы 27 ғинуарҙа үтәсәк.