Һөнәри байрам — Рәсәй матбуғаты көнө айҡанлы “Башинформ” агентлығында былтырғы эш йомғаҡтары буйынса республиканың киң мәғлүмәт саралары хеҙмәткәрҙәре бүләкләнде.

“Саҡмағош мәғлүмәт үҙәге”нең баш мөхәррире Фәнис Әмирханов, “Инйәр” гәзите­нең баш мөхәррире Гөлшат Закирова, “Шаранские прос­торы” гәзите мөхәррире урын­ба­ҫа­ры Нәфисә Хәйруллина, “Куюр­газа” гәзитенең яуаплы секретары Валентина Закурдаеваның хеҙмәте Матбуғат һәм киң мәғлүмәт саралары агент­лығының Почет грамо­таһы менән баһаланды.
Мәҙәниәт министры урынбаҫары Ранис Алтынбаев, “Башҡортостан” гәзитенең Мәҙәниәт йылында баш­ҡарған эшенә юғары баһа биреп, баш мөхәррир Нияз Сәлимовҡа министр Әминә Шафиҡованың Рәхмәт хатын тапшырҙы.
Матбуғат сараларында Мәҙәниәт йылын иң яҡшы яҡтыр­тыуға республика конкурсы еңеү­се­ләре тип “Башинформ” агент­лы­ғы күҙәтеү­сеһе Ләйлә Аралбаева, “Башҡорт­ос­тан ҡыҙы” жур­налы, “Яйыҡ” гә­зите танылды. Икенсе урынға Баш­ҡорт­остан юл­даш телевидение­һы­ның яңылыҡ­тар хеҙмәте, “Истоки”, “Туй­ма­зин­ский вестник”, “Асылы­күл” гә­зиттәре ла­йыҡ булды. “Аш­ҡаҙар” радиокана­лы мөхәррире Урал Ниғ­мәтуллин, “Аманат” журналы һәм “Сельские огни” гәзите өсөнсө урын­ды алды.