Бөгөн — Бөтөн донъя кеше хоҡуҡтары көнө. Кеше хоҡуҡтарының дөйөм декларацияһы 360 телгә тәржемә ителгән. Һәр кемдең нимәгә хоҡуғы барлығы был документтың 30-сы статьяһында асыҡ яҙылған. Әгәр хоҡуғыбыҙ боҙола икән, хатта Европа судына ялыу менән мөрәжәғәт итеү мөмкинлеге бар.
Гәзит уҡыусыларға “Был көнгә ҡарашығыҙ нисек?” тигән һорау менән мөрәжәғәт иттек.
Айһылыу УСМАНОВА-ЗЕКРИНА, юрист:
— Кеше хоҡуҡтарының дөйөм деклара­цияһы Икенсе Бөтә донъя һуғышынан һуң ҡабул ителгән. Әлбиттә, был көндө бил­дә­ләргә кәрәк. Эшемдә лә һәр кемгә хоҡуҡи ярҙам күрһәтергә тырышам. Үҙҙәренең хо­ҡуҡ­тарын яҡлауҙы үтенеп күптәр мөрәжәғәт итә.

Батыр ЗӘЙТҮНОВ, эшҡыуар:
— Конституция һәм закондар кешенең ирке, уның нимәгә хоҡуҡлы булыуын гаран­тиялаһа ла, ысынбарлыҡта был бөтөнләй тормошҡа ашырылмай, тиерлек. Ябай кеше­нең гражданлыҡ хоҡуҡтары боҙоло­уына, уларҙың судта ла хаҡлыҡ даулай алмауына күнгәнбеҙ инде. Мәҫәлән, хәҙер танышлыҡ­һыҙ хатта эшкә урынлашыуы ауыр. Пенсия реформаһын үткәрҙеләр. Әммә әлеге йәштәрҙең ниндәй пенсия алыры билдәһеҙ.
Сәлимә НАСИРОВА, тәрбиәсе:
— Кеше үҙ хоҡуҡтарын яҡшы белергә тейеш. Ҡыҙғанысҡа ҡаршы, күп осраҡта хоҡуҡтарыбыҙҙы һанға һуҡмайҙар, ҡыҫалар, һәм беҙ бер нәмә лә эшләй алмайбыҙ. Шуныһы ҡыҙғаныс...
Зөлфирә ЙОМАҒУЖИНА, хужабикә:
— Көнө көн инде ул, ә үҙ хоҡуҡтарыңды бе­леү һәм яҡлау кәрәк. Ә был юҫыҡта бушлыҡ бар әле.
Әлиә ӘХӘТОВА, уҡыусы:
— Был көндөң барлығы тураһында белмәй инем. Әммә уны билдәләү кәрәктер тип уйлайым. Йәштәр ҙә, ололар ҙа үҙ хоҡуҡтарын белергә тейеш, минеңсә.