Миңә рәсми рәүештә 3 мил­лион һумлыҡ фатир бүләк иттеләр. Уның өсөн һалым түләү кәрәкме?

Б. БӘХТИЙӘРОВ.

Бөрө ҡалаһы.

Барыһы ла был күсемһеҙ милекте кемдең биреүенә бәй­ле. Єгәр бүләк итеүсе менән һеҙ бер ғаилә ағзалары йәки яҡын туғандар булһағыҙ, был килем өсөн һалым түләргә кә­рәкмәй. Рәсәйҙең Ѓаилә кодек­сының 2-се статьяһына яраш­лы, атай-әсәй, ир менән ҡатын, балалар ғаилә ағзалары тип һаналһа, өләсәй, олатай, ейән-ейәнсәрҙәр, апайҙар һәм ағайҙар – яҡын туғандар (Рәсәй Ѓаилә кодексының 14-се стать­я­һы). Єммә фатирға һалым тү­ләмәү өсөн инспекцияға ту­ған­лығығыҙҙы раҫлаусы дә-лил килтерергә кәрәк. Юғиһә әлеге күсемһеҙ милек килем булып һаналасаҡ һәм уның хаҡының 13 процентын дәүләт иҫәбенә күсерергә тура килә­сәк.


Ћәр нәмәнең
үҙ ваҡыты

Ерем бар ине. Бер йыл элек ҡуртым договорын оҙайтманылар һәм уны тар­тып алдылар. Исмаһам, шун­да әкренләп йорт тө­ҙөтөрмөн тип уйлағайным. Хәҙер туғандарымда йәшәп торорға мәжбүрмен.

Миңлегөл.

Стәрлетамаҡ ҡалаһы.

Договорҙа күрһәтелгән осор эсендә шәхси торлаҡ төҙөү өсөн бирелгән ер участкаһын тәғәйенләнеше буйынса файҙа­ланмаһағыҙ, уның тартып алыныуы мөмкин. Єммә биләмәне үҙләштереү, бәлә-ҡаза һәм тө­ҙөлөш эштә­рен тотҡарлаған башҡа сә­бәптәр өсөн сарыф ителгән ваҡыт та иҫәпкә алы­нырға тейеш. Торлаҡ төҙөү өсөн рөхсәт ҡағыҙын алып, бәләкәй генә һарай ултырт­һағыҙ, урын­дағы хакимиәткә ерҙе файҙа­ланмауығыҙҙы иҫ­батлауы ауыр булыр ине. Шуға бындай дәғүә­ләр судҡа бик һирәк бирелә. Є бына хәҙер административ яуаплылыҡҡа тарт­тырыуҙары йәки штраф түләттереүҙәре лә ихтимал (Рәсәй Гражданлыҡ кодексы­ның 284-се статьяһы).