2014 йылдың 1 июленә алынған мәғ­лүмәт­тәрҙән күренеүенсә, 8652 һуғыш ветераны, һәләк булған яугирҙәрҙең ғаилә ағзалары федераль бюджеттан бүленгән аҡса иҫәбенә йәшәү шарттарын яҡ­шыртты. Шуның менән бергә әле 1597 ветеран торлаҡҡа мохтажлыҡ кисерә. Сә­бәбе — федераль бюджеттан етерлек кимәлдә аҡса бүленмәүе. Быйылға бирелгән федераль субвенциялар ни бары 639 ветеранды фатир менән тәьмин итергә етә.
Ошо мөһим мәсьәләне йәһәтерәк хәл итеү маҡсатында Дәүләт Думаһы депутаты Сәлиә Мырҙабаева Рәсәйҙең Тө­ҙө­лөш һәм торлаҡ-коммуналь хужалыҡ министрына республикаға өҫтәмә средстволар бүлеүҙе һорап мөрәжәғәт итте. Яуап ыңғай — 2015 йылда федераль бюджеттан ветерандарҙы торлаҡ менән тәьмин итеүгә 1572,7 миллион һум аҡса бүлеү ҡаралған. Был үҙ йәһәтендә фатир алыуға иҫәптә торған 1344 ветерандың йәшәү шарттарын яҡшыртыуға булыша­саҡ. Депутат әйтеүенсә, “2015 йылға һәм 2016-2017 йылдарҙың план осорона федераль бюджет тураһында” закон проекты тәүге уҡыуҙа ҡаралған һәм яҡын арала ҡабул итеүгә әҙер.
БЕЛЕШМӘ. 2014 йылдың 4 июленә алын­ған мәғлүмәткә ҡарағанда, ил буйын­са торлаҡҡа сиратҡа 11823 ветеран ҡу­йыл­ған. 2015 йылда федераль бюджеттан бүленгән аҡса иҫәбенә 10746 кеше торлаҡ шарттарын яҡшыртасаҡ.