7-се дәрес

Һуңғы ваҡытта автотранспорт сараларын страховка­лауға ҡағылышлы һорауҙарҙы йыш ишетергә тура килә. Был тәү сиратта яңы ҡағиҙәләргә бәйле. Шуға сираттағы дәресте ОСАГО темаһына бағышлаһаҡ, яҙыҡ булмаҫ.

1 октябрҙән ОСАГО страховкаһына үҙгәрештәр индерелде. Ошоға тиклем аварияла ғәйебе булмаған водителгә машинаһын ремонтлау өсөн (зыян­дың күләменә ҡарап) страховка 120 мең һумға саҡлы билдәләнә ине (зыян күләме артып китһә, водитель үҙ аҡсаһын өҫтәй). Юл-транспорт ваҡиғаһында бер машина зыян күрһә лә, бишәү ватылһа ла — ошо сумма. Хәҙер, яңы ҡағиҙәләргә ярашлы, страховка кимәле һәр машинаға (водитель ғәйепһеҙ тип танылһа) 400 мең һум күләмендә билдәләнде.
11 октябрҙән бөтә страховкалау компанияларында ла страхов­калауҙың база өлөшө 25-30 про­центҡа күтәрелде.
Шуныһын да билдәләргә кәрәк: элек, аварияла кеше һаулығына зыян килһә, 160 мең һумға саҡлы страховка түләнергә тейеш ине. 2015 йылдан был сумманы 500 мең һумға саҡлы арттырыу күҙаллана. Һөҙөмтәлә ОСАГО-ға тағы ла хаҡ артыуы ихтимал. КАСКО-ға килгәндә, бында үҙгәрештәр юҡ. Ә бына европротоколға (ЮХХДИ хеҙмәт­кәренән тыш, үҙ-ара килешеү) хаҡ ике тапҡырға артты. Хәҙер был сумма 50 мең һум тәшкил итә.
Яңы закон автомашиналарын 1 октябрҙән һуң страховкалаған води­телдәргә генә ҡа­ғыла. 1 октябргә тиклемге ОСАГО по­ли­сы ваҡыты үткәнсе элекке ҡағиҙәләргә яраш­лы ғәмәлдә ҡала.