Күптән түгел шағирҙың Өфөләге һәйкәле янында “Үҙ утыма саҡырам һеҙҙе!” (“К своему огню зову я вас!”) тигән төбәк-ара әҙәби фестивалде асыу тантанаһы үтте. Байрамда мәртә­бәле ҡунаҡтар – Әлфиә Мостай ҡыҙы, Ленин районы хакимиәте башлығы Альбина Йосопова, Башҡортостан Яҙыу­сы­лар союзы рәйесе Наил Ғәйетбаев, Башҡор­т­остандың Милли әҙәби музейы директоры Гөлдәр Моратова, Башҡор­тостандың халыҡ шағиры Ҡәҙим Аралбаев, күренекле шағирҙар Хәсән Назар, Ирек Кинйә­була­тов, Мөхәммәт Закиров һәм башҡалар ҡатнашты.
Көҙгө һалҡынса күк болотлап тороуға ҡара­маҫ­тан, Мостай Кәрим һәйкәле янындағы рухи усаҡтан яҡты йылылыҡ бөркөлөп торҙо. Сарала ҡатнашҡан студенттар, Мостай Кәрим исемендәге 158-се башҡорт гимназияһы уҡыусылары шағирҙар­ҙың әҙәбиәтебеҙ аҡһаҡалына арнап яҙған шиғырҙарын, иҫтәлектәрен тыңлап күңелдәренә ялҡын алды. Әҙиптең әҫәрҙәре башҡорт, урыҫ, татар, инглиз, немец, төрөк, ҡаҙаҡ телендә яңғыраны.
Тантаналы сараны шағирҙар Фәрзәнә Ғөбәйҙул­лина менән Марсель Сәлимов алып барҙы.