Октябрь башында үҙәк китапханала өлкән йәштәгеләр араһында шиғыр уҡыусылар бәйге­һе ҙур ойошҡанлыҡ менән үтте. Унда райо­ны­быҙ ауылдарының “Ағинәйҙәр”, “Атайсал” клу­бы ағзалары әүҙем булды. Бәйгелә ҡат­нашыусылар күңелендә ғүмере буйы йөрөткән шиғырҙарын яттан һөйләп, йырҙарын йырлап ҡына ҡалманы, иҫтәлектәре менән уртаҡ­лашты, яратҡан шағирҙары тураһында бик күп йылы һүҙҙәр әйтте. Мостай Кәримдең бөтәһе лә яратып йырлаған йырҙарын башҡарған Ишбирҙе ауылының “Хәтирә” фольклор ансамбленең үҙенсәлекле сығышы бәйгенең йәме булды. Бөйөк аҡыл эйәһенең исеме өлкән быуын вәкилдәренең һәр береһе өсөн изге һәм ҡә­ҙер­ле. Шуның өсөн дә сара барышында яңғыраған һәр шиғыр, йыр, сығыш оло әҙипкә ҡарата һөйөү һәм ихтирам хистәре менән башҡа­рылды, күңелдәрҙә ғорурлыҡ тойғоһо уятты.
Бәйгенең еңеүсеһе тип Сыңғыҙ ауылынан Мәҙинә Туйсина табылды. Икенсе урынды Ишбирҙе ауылынан Фәриғә Аликбаева, Кәрешкә ауылынан Гөлнур Йәнтилина, Ни­ғә­мәт­тән Фәрзәнә Мөхәмәтшина яуланы. Өсөнсө урынға Рәйфә Рәхмәтуллина (Иҫке Сибай), Рәйсә Диярова (Ҡолсора), Зәкиә Сөләймәнова (1-се Этҡол), Рәмзиә Әхмәт­йәнова (Сосновка) лайыҡ булды. “Киске Өфө” гәзитенең баш мөхәррире Гөлфиә Янбаева үҙенең махсус призын Ҡолсора ауылы “Ағинәйҙәр” клубы рәйесе Рәйсә Дияроваға тапшырҙы.
Еңеүселәр һәм һәр ҡатнашыусы диплом­дарға, иҫтәлекле бүләктәргә лайыҡ булды. Мос­тай Кәрим айлығы ошондай матур сара менән башланып китте. Балалар араһында ойош­торолған район шиғыр уҡыусылар бәйгеһе лә йылы тәьҫораттарға, зауыҡлы сығыштарға бай булды.