Ауылыбыҙҙа сиратлап мал көтөү мәсьәләһен хәл итә алмайбыҙ. Кемдер яуаплылыҡ тойоп сыға, ә бәғ­зеләр, малы күп булһа ла, бурысын үтәмәй. Һөҙөмтәлә халыҡ араһында тигеҙһеҙлек хөкөм һөрә: берәүҙәр көтөүгә сыға, икенселәр үҙ урынына башҡаны яллай. Ә ҡайһы вазифалы кешеләр, махсус ере булһа ла, малын унда сығармай, ауылды­ҡы­ларға ҡуша, шул уҡ ваҡытта сиратҡа битараф ҡала. Ябай халыҡтың бор­со­лоуы­на улар: “Хәлегеҙҙән килмә­һә, малы­ғыҙҙы бөтөрөгөҙ”, – тип яуап бирә. Барыбыҙ ҙа шул һыйыр-һарыҡҡа күҙ төбәп торабыҙ бит инде. Ни эшләргә?

Гөлнур ХАЖИЕВА.

Салауат районы,
Арҡауыл ауылы.










Эттәрҙән ҡотолоп
булырмы?

Беҙҙең ауылда ҡырағай эттәр күбәйҙе. Улар халыҡҡа ҙур зыян кил­терә. Бер ғаиләнең 36 ҡаҙын, икенселәрҙең дүрт һарығын та­маҡ­лап, ҡайһыһын ҡазалап киттеләр, ваҡ себештәрҙең юғалыуы хаҡында әйтеп тораһы ла түгел.
Эттәрҙе атырҙай кеше лә юҡ. Ауыл хакимиәте вәкилдәренә мөрә­жәғәт итеп ҡараныҡ, улар йорт йәнлектәрен атырға ярамау хаҡын­дағы законға һылтана. Беҙгә, ауыл кешеләренә, нимә эшләргә? Кемдән ярҙам һорарға?

Венера ИШЕМБАЕВА.
Стәрлетамаҡ районы,
Мәҡсүт ауылы.






“Зәңгәр яғыулыҡ”ҡа зарығып

Белорет районының Иҫке Инйәр, Сәфәрғол, Яңы Хәсән, Түбәнге Төл­ мәй ауылдарына, Маныштының М. Ғафури, Тау урамдарына “зәңгәр яғыулыҡ” үткәрелмәгән. Иҫке Инйәр­ҙә өлкән йәштәгеләр күп. Элек халыҡ баллонлы газ ҡулланһа, хәҙер уны алыу ҙа ҡыйынға төшә –машина яллау мәсьәләһе килеп баҫа. Инйәр ауылы ветерандары советы юғарыла телгә алынған ауылдарҙа газ үткәреүҙәрен һорай. Ҡарттарға утын хәстәрләп яғыу бик ауыр.

Нурулла МИҺРАНОВ.
Белорет районы,
Инйәр ҡасабаһы.