Студент ҡына көйө педа­гогтың йәмғиәттә тотҡан уры­ны хаҡында яҡшы аң­лай, эшенә һәр саҡ яңылыҡ индерергә ынтыла ине йәш белгес. Әле лә ошо һыҙат­тары менән һоҡландыра Зө­бәржәт Ришат ҡыҙы: Баш­­ҡортостан Мәғарифты үҫте­реү институтының Стәр­­лета­маҡтағы мәғлүмәти-методик үҙәге мөдире, ҡала хакимиәтенең мәғариф ида­ралығы методисы, Ж. Ке­йекбаев исемендәге 3-сө гим­назияла Башҡорт­остан тарихы һәм мәҙәниәте уҡытыусыһы вазифаларын юғары кимәлдә атҡара.
…Башҡорт теле һәм әҙәбиәте уҡытыусыһы Наилә Байбулдинаның эшенә ғашиҡ Ишембай районының Үрге Әрмет ҡыҙы Зөбәржәт мәктәптән һуң Стәрлетамаҡ педагогия институтының (хәҙер – БДУ-ның Стәрлетамаҡ филиалы) башҡорт фи­лологияһы факультетына уҡырға инә. Әйткәндәй, уның класташтарының күбеһе яҙмышын балалар­ға белем биреүгә арнаған.
Уҡыған сағында ғаилә ҡорорға өлгөргән Зө­бәржәт апай йәш кенә көйөнсә бер нисә йөктө тартҡан мәлдәрен – төндәрен бишек тирбәтеп, көндөҙ дәрескә йөрөүен, кис ире ҡайтыуға ашарға бешереүен – бөгөн йылмайып иҫкә ала. Ҙур тырышлығы һөҙөмтәһендә диплом алып, ҡаланың 30-сы мәктәбендә башҡорт теле һәм әҙәбиәтенән уҡыта башлай ул.
– Башҡорт теленән әсбаптар бик аҙ була торғайны, – тип хәтерләй хеҙмәтенең тәүге йылдарын Зөбәржәт Ришат ҡыҙы. – Магазиндарға барып, китаптарҙың күсер­мәһен эшләп, дәрестә шулар­ҙы ҡуллана инек. Йәнле ара­лашыуға ҙур иғтибар бү­лен­гәнлектән, тыңлашмай, шаярып, башҡа эш менән булышып ултырған балалар булмай торғайны.
Әйткәндәй, һәр йылдың 5 октябрендә уҡыусылары менән осрашыу педагог өсөн изге йолаға әйләнгән.
Һәр саҡ камиллыҡҡа ын­тыл­ған, яңылыҡтар алдында баҙап ҡалмаған тырыш уҡы­тыусы, бынан тыш, бихисап һөнәри конкурстар еңеүсеһе коллективта тиҙ арала абруй ҡаҙана. Уға төрлө саралар ойоштороу, балаларҙы кон­курстарға әҙерләү кеүек эш­тәр ҙә йөкмәтелә. Бер нисә йылдан һуң иһә Зөбәржәт Ришат ҡыҙы, ҡала хакимиә­тенең мәғариф идаралығына күсерелеп, башҡорт теле уҡы­тыусыларына методик ярҙам күрһәтә башлай.
Мәғариф тармағы үҙгә­реш­тәрһеҙ үҫешә алмай. Башҡортостан Мәға­рифты үҫтереү институтына был йәһәттән уҡы­тыусыларға төрлө курстар ойоштороу, уларҙы фән һәм белем биреү өлкәһендәге яңылыҡтар менән таныштырыу бурысы ҡуйылған. Заман менән йәнәш атларға күнеккән Зөбәржәт Хафизова институттың Стәрлетамаҡ ҡалаһындағы мәғлүмәт-методик үҙәгенә етәкселек итә, биш ҡала һәм 11 район уҡытыусылары өсөн курстар ойоштора.
– Һәр саҡ хәрәкәттә булыуым йәшәүгә дәрт өҫтәй, – ти ул.
Зөбәржәт Хафизова уҡыусыларының “Урал батыр” эпосын яттан һөйләүселәр конкурсында еңеү яулауы ла – эшен яратып, намыҫ ме­нән башҡарған педагогтың тырыш хеҙмәт емеше. Теленең, милләтенең яҙмышы өсөн янып-көйөп йәшәгән ошондай уҡытыусыларыбыҙ күберәк булғанда, асылыбыҙҙың һаҡланырына, киләсәге­беҙҙең яҡтылығына ышаныс тағы ла көсәйер ине.