Президиум ултырышында билдә­лә­неүен­сә, закон проекттары депутаттар тарафынан раҫланһа, ошоғаса асыҡ ҡал­ған бик күп мәсьәләләр хәл ителәсәк. Айырыуса дәүләт мөлкәтен хосуси­лаш­тырыуға, ҡалалар төҙөү эшмәкәрлеген, торлаҡ мөнәсәбәттәрен көйләүгә ҡағыл­ған проекттар көн ҡаҙа­ғында ҡала. “Башҡортостан Респуб­ликаһында ауыл хужалығы тә­ғә­йен­ләнешендәге ерҙәрҙең уңдырышлылығын тәьмин итеү тура­һында” закон проекты ла һуңғы уҡыуға тәҡдим ителде. Проект раҫланһа, уң­дырышлы ерҙәрҙе дәүләт кимәлендә көйләү мөмкин буласаҡ. Яңылыҡ тәү сиратта ер биләүселәргә ҡағыла. Проектҡа ярашлы, биләмә хужаһы ауыл хужалығы культураларын эшкәртеү буйынса технологик паспорт тултырырға тейеш. Нин­дәй эштәр башҡарған, уларҙың ва­ҡыты, ҡулланылған техника, иҡтисади күрһәт­кестәр — барыһы ла документҡа тер­кәлә. Артабан һәр яландың айырым паспорты буласаҡ. Унда ерҙең торошо тураһында тулы мәғлүмәт тупланасаҡ.
Депутаттар республиканың Экологик кодексы буйынса ла эште дауам ит­мәксе. Атап әйткәндә, төҙәтмәләр автотранспорт сараларын эксплу­атация­лауға ҡағыласаҡ.
Бынан тыш, пленар ултырышта Дәүләт Думаһына ебәреләсәк ике закон йыйылмаһы өйрәнеләсәк. Депутаттар Енәйәт кодексына төҙәтмә индерергә һәм бәлиғ булмағандарға спиртлы эсемлек һатыусыларға штраф күләмен арттырырға тәҡдим итә. Административ хоҡуҡ боҙоу осраҡтарында ла енәйәт­сене ҡатыраҡ язаға тарттырырға кәрәк тигән фекерҙә улар.