Бөгөн ул Баймаҡ теле­радиотапшырыуҙар студияһын етәкләй. Гөлнур Азамат ҡыҙы­ның эшен көньяҡ райондар халҡы күптән баһалап өлгөргән инде, сөнки Баймаҡ телеви­дение­һы һәм радиоһы әле бөтә Көньяҡ Урал төбәгенә мәғ­лүмәти ярҙам күрһәтә, ошо район­дарҙан яңылыҡтар әҙер­ләп, эфир даирәһен киңәйт­те, уны республика кимәленә сығар­ҙы.
Хәҙер уның эфирында Әб­йәлил, Йылайыр, хатта күрше Хәйбулла яңылыҡ­тарын да йыш күрергә була. Ә инде БЮТ каналында Баймаҡ телевиде­ниеһы әҙерләгән яңылыҡтар көн һайын тиерлек эфирға сығып тора. Бында оператив эшләгән, тынғыһыҙ етәксе, үҙе лә репортаждар менән сығыш яһаған Гөлнур Ишбулатова­ның өлөшө шаҡтай ҙур.
Үткән йыл аҙағында “Юл­даш” йыр-моң һәм мәғлүмәт каналының республикалағы тәүге филиалы Баймаҡ ҡала­һында асылды. Уны ойошто­роуҙа һәм радио тул­­ҡын­­дарына сығарыу­ҙа Гөлнур Ишбулатова­ның хеҙ­мәте тос икәнлеген беләбеҙ. Тынғыһыҙ журналист һәр саҡ эҙләнеүҙәр өҫтөндә, яңынан-яңы тапшырыуҙар әҙерләп эфирға сығара, яңы геройҙар таба. Тап уның тырышлығы менән былтыр Баймаҡ ҡала­һының юбилейына тулы метражлы фильм төшөрөп, яҡ­таш­тарын һө­йөн­дөр­ҙө. Хатта республика телевиде­ниеһы белгестәре уның эшен юғары баһаланы, райондаштары: “Баймаҡ тураһында бындай фильмдың булғаны юҡ ине”, – тине.
Гөлнур Ишбулатова Бай­маҡ­та эшләһә лә, автор, хәбәрсе булараҡ, ижадын “Юл­даш” радиоканалында дауам итә. Уның көньяҡ-көнсығыш райондарҙың ал­дынғы ҡараш­лы кешеләре, проблемалары хаҡында сы­ғарған тапшырыу­ҙар цик­лы­ның Шәһит Хоҙай­бир­ҙин исе­мендәге премияға тәҡдим ителеүен күптәр хуп­лай һәм уны бындай баһаға күптән лайыҡ тип иҫәпләй. Халҡы­быҙҙың тормошон, йә­шәйешен яҡшыртыу, проб­ле­маларын хәл итеү өсөн ваҡы­тын, көсөн йәлләмәгән тынғыһыҙ журналист, оҫта етәксе Гөлнур Ишбулатова­ның исемен, һис шикһеҙ, премияға лайыҡ булыусылар исемлегендә күрербеҙ, тигән ышаныстабыҙ.