Барыһы ла водителдең машина­һын ҡайҙа ҡалдырыуынан башлана. ЮХХДИ хеҙмәткәрҙәре рөхсәт ител­мәгән урын­ға ҡуйылған автомобилде күргәс тә эвакуациялау хеҙ­мәтен саҡырта. Машина хужаһы эва­куатор ҡуҙғалып киткәнгә тиклем килеп өлгөр­һә, автомобилен шунда уҡ ҡайтарып алыу мөмкинлегенә эйә, әммә уға тәртип боҙған өсөн билдәле бер күләмдә штраф һалына. Әгәр ҙә эвакуатор ҡуҙғалған икән, ЮХХДИ хеҙмәткәре­нең рөхсәте менән автомобилде штрафҡуналҡанан барып алырға тура киләсәк.
Эвакуаторҙың ҡайһы ҡуналҡаға юлланыуын шунда уҡ белешергә кә­рәк. Инспекторҙан уны кире ҡайтарыу тураһында рөхсәт ҡағыҙын алырға онотмағыҙ, юғиһә юл-патруль хеҙмәте полкына барырға тура киләсәк. Ҡулығыҙҙа рөхсәт ҡағыҙы булһа, штрафҡуналҡаға барып, машинаны кисекмәҫтән кире ҡайтарырға мөмкин. Үҙегеҙ менән түбәндәге доку­мент­тарҙы алыу шарт:
– транспортты ҡулға алыу тура­һындағы протокол;
– уны ҡайтарыуға рөхсәт ҡағыҙы;
– транспорт сараһына документтар;
– водитель танытмаһы;
– паспорт.
Унан һуң штрафҡуналҡала һаҡ­лаған өсөн хаҡ түләп, машинағыҙҙы барып алырға була.