Баҫма Рәсәйҙең Оборона министр­лы­ғы архивында тупланған материал­дарға, хәтерләүҙәргә таянып төҙөлгән. 200 данала урыҫ телендә нәшер ителгән китапта дивизияның яу юлы документтарҙа һәм фотоһүрәт­тәрҙә сағылған. Баш­ҡорт атлылары яҙмышын бар ысынбарлығында халыҡ­ҡа еткереү теләге ошондай китап булып донъя күрҙе, ти авторҙар. Уларҙың арта­банғы маҡсаты – гене­рал Шай­моратовҡа Герой исеме биреүҙе юллау.
– Китапты ун йыл яҙҙыҡ. Ошоғаса бөтөнләй өйрәнелмәгән мәғлүмәтте таптыҡ. Эш шуныһы менән ҡәҙер­ле: тәүге тапҡыр Генераль штабтың оператив мәғлүмәттәре бирелде. Уларҙа дивизияның айырым билдәлә­неп үтеүе башҡорт атлыларының ни тиклем данлыҡлы булыуы хаҡында һөйләй, – тине үҙ сығышында Борис Малородов.
Сараға яҙыусылар, тарихсылар, дәү­ләт эшмәкәрҙәре, ветерандар, уҡыу­сылар килде. Рәсәйҙең Федерация Советындағы Башҡортостан вәкиле Рафаэль Зиннуров китаптың әһәмиәтен билдәләп үтте. Башҡорт атлыларының үлемһеҙ ба­тырлыҡ өлгөләрен, кавалерия коман­ди­рының үҙенсәлекле һуғыш алым­­да­рын барланы.
Бындай саралар үҫеп килгән быуын­ды илһөйәрлек рухында тәрбиәләү өсөн мөһим. Уҡыусылар һәм студенттар авторҙарға бихисап һорау бирҙе, дивизия үткән шанлы һәм данлы яу юлы менән ҡыҙыҡһынды. Осрашыу тура­һында хәтирә уларҙың күңелендә оҙаҡ һаҡланыр әле.