Был сарала Рәсәй иҡ­ти­сади үҫеш министры урын­баҫары Олег Фомичев, Рә­сәй Дәүләт Думаһы депутаты Виктор Климов, Баш­ҡортостан Республикаһы Хөкүмәтенең Премьер-министры урын­ба­ҫары, иҡти­сади үҫеш министры Ев­гений Маврин, уның урынбаҫары Рөстәм Ҡа­зыханов, Мәләүез районы хакимиәте башлығы Малик Вахитов ҡатнашты. Баш ҡаланан килгән ҡунаҡтар, йыйылған халыҡты ҡы­уа­ныслы ваҡиға менән ҡотлап, яңы асылған үҙәктең ха­лыҡты заманса хеҙмәтлән­де­реренә ышаныс белдерҙе.
Ҡабул итеү өсөн 20 тәҙрә эшләй. Шуныһы ҡыуаныслы: улар­ҙың береһе инва­лид­тарҙы хеҙмәт­ләнде­реүгә ҡу­лай­лаш­тырылған. Ғөмүмән, фи­зик мөмкинлеге сик­лән­гәндәргә би­на­ға ингән урында, уның эсендә хәрәкәт итеү өсөн пандустар ҡу­йылған. Үҙәктә бөтәһе 138 хеҙмәтләндереү төрө тәҡ­дим ителә. Бында Мәлә­үездә йәшәгән 30 кешегә эш урыны булдырылды.
Үҙәк филиалы Смоленск урамында урынлашҡан. Дү­шәмбе көн – көндөҙгө 2-нән киске 8-гә, шишәмбенән шәмбегә тиклем иртәнге 8-ҙән киске 8-гә тиклем эшләй. Хеҙмәтләндереү төрҙәре буйынса тулыраҡ белешмәне күп функциялы үҙәктең рәсми сайтында (www.mfcrb.ru) алырға мөмкин.