Быйылғы йылдың апреленән юл ҡағи­ҙәләрен инҡар иткән йәйәүлеләргә ҡа­рата талаптар ҡатыланды. Әйтәйек, улар юл ҡағиҙәһен боҙоу сәбәпле тығын бар­лыҡҡа килһә йә теге йәки был ҡар­шы­лыҡ тыуһа, 1000 һум күләмендә штраф тү­ләйәсәктәр. Ярамаған урындан юл аша сыҡҡандарҙың, йә “ҡыҙыл төҫкә” йөрөргө яратҡандарҙың “батырлығы” иһә 500 һум менән баһаланасаҡ. Әгәр йәйәүле уйла­мағанда юл йөрөү ҡағиҙәһен боҙоу ар­ҡаһында кемдеңдер һаулығына зыян килтерә икән (еңел йәки уртаса дәрә­жәлә), 1000-1500 һум аҡсаһынан ҡолаҡ ҡағасаҡ.
Форсаттан файҙаланып, автокресло хаҡында ла бер-ике һүҙ әйтеп үтәйем. Бөгөн балалар өсөн махсус урын менән йыһазландырылмаған “тимер ат” хужа­һы­на 3000 һум күләмендә штраф ҡа­ралған. Тик депутаттар был талап­тарҙы тағы ла ҡатыландырыу яғында – әле Дәүләт Думаһында сабыйҙарына битараф водителдәрҙең шофер таныҡлығын тартып алыу тураһында фекер алышыу бара.
Ҡағиҙә ҡағиҙә менән, әммә һәр ҡай­һы­быҙ – йәйәүлеме, машина йөрөтөүсеме – бер-беребеҙгә ихтирамлы, иғтибарлы булайыҡ. Тиҙҙән уҡыу йылы башлана. Тимәк, юлдарҙа тағы ла һағыраҡ, тағы ла яуаплыраҡ булырға кәрәк.