Санитария-эпидемиологик хәлгә контролде тәьмин итеү, ҡасаҡтарҙың һаулығын баһалау, уларға тәүге ярҙам күрһәтеү өсөн Һаулыҡ һаҡ­лау министрлығы тарафынан улар урынлаш­ты­рылған биләмәләрҙә табип төркөмдәре ойош­торолдо. Тәү сиратта йөклө ҡатындарға, балаларға һәм оло йәштәгеләргә иғтибар күр­һәтелә, вакцинация үткәрелә.
Баш ҡаланың 8 Март урамындағы 1-се ва­ҡытлыса урынлаштырыу пунктында ике бригада тәүлек әйләнәһенә эшләй. 24 табип һәм 27 шәфҡәт туташы ярҙам күрһәтеүгә йәлеп ител­гән. Башҡорт дәүләт университеты профилакторийында Берҙәм консультация үҙәге асылды. Бында Өфөгә үҙ яйы менән килгән Украина граждандарын урынлаштырыу буйынса эш тәүлек әйләнәһенә бара. Белгестәр ҡы­ҙылсаға, дифтерияға ҡаршы прививка яһай.
Медицина фажиғәләре үҙәге мәғлүмәт­тәренә ҡарағанда, әле республикала меңгә яҡын ҡасаҡ урынлаштырылған. Улар араһын­да 238 бала, алты йөклө ҡатын бар. Балалар­ҙы невролог, дерматолог, хирург кеүек бел­гес­тәр тик­шерә. Өҫтәмә туҡланыу ҙа ойош­торолған. Күсмә рентгенология комплексында флюорография үтеү мөмкинлеге бар.
Медицина ярҙамына мохтаждар – ете ке­ше, шул иҫәптән биш бала – дауаханаға һалынған.