Бàшҡортостан Президенты вазифаһын ваҡытлыса башҡарыусы Рөстәм Хәмитов республиканың Һаулыҡ һаҡлау министрлығына һәм Контроль-иҫәп палатаһына Өфө ҡалаһындағы ашығыс медицина ярҙамы станцияһының финанс-хужалыҡ эшмәкәрлеген тикшерергә ҡушҡайны.

Бюджеттан бүленгән аҡсаның маҡсатҡа ярашлы файҙа­ланы­лыуын, предприятиеның етәксе­легенә һәм хеҙмәткәрҙәренә эш хаҡы түләүҙең тәртибен һәм ғәҙеллеген тикше­реүгә төп иғтибар биреләсәк.
– Мотлаҡ медицина страхов­каһы фондының, республика һәм Өфө ҡалаһы бюджетының аҡсаһын, ойошманың мөлкәтен ни рәүешле файҙаланыуҙарын асыҡ­лайбыҙ. Тикшереүҙәрҙән һуң мәғ­лү­мәт тиҙ арала республика етәкселегенә еткереләсәк, – тине журналистарға комиссия рәйесе, республиканың Контроль-иҫәп палатаһы аудиторы Мәрфуға Сибәғәтуллина.
Ике аҙна эсендә документтар менән эш тамамланыр һәм тәүге һөҙөмтәләр әҙер булыр тип күҙал­лана. Әле белгестәр бухгалтер иҫәбен, етәкселектең, хеҙмәт­кәрҙәр­ҙең эш хаҡы күлә­мен тик­шерә. Бынан тыш, штат рас­пи­саниеһының да норматив документтарға ярашлылығы, кем тарафынан раҫланыуы асыҡлана.