– Техника нимә ул, — ти уның хужаһы Илһам Кил­дейәров, — быйыл үлән шәп!
Уның һүҙҙәрен райондың баш агрономы Рафиҡ Алтынсурин да ҡеүәтләне:
— Күп йыллыҡ үләндең төр­­лөһөн сәсеп ҡараныҡ, сөн­ки һуңғы йылдар ҡоро килде бит. Былай, исмаһам, береһе үҫ­мә­һә, икенсеһе һынатмай. Нисек кенә булмаһын, район­да мал күп. Айырым хужа­лыҡтар, һыйыр малынан тыш, һарыҡсылыҡты үҫтерә, йыл­ҡы­сылыҡ менән дә шөғөл­ләнә...
Эйе, һыйырҙың һөтө — телендә тигәндәй, уларҙың нисек ҡыш сығыры нәҡ бөгөн хәл ителә.
“Инәк” хужалығы бүлексәһе етәксеһе Рәфис Шәйәхмәтов әйтеүенсә, өс бүлексәгә бү­ленгән элекке “Инәк” сов­хозын­да ғына ла 20 мең гектар самаһы ерҙәре бар икән. Бын­дағыһында 2500 баштан ашыу мал аҫрала. Шунан уйлап ҡарайыҡ инде күпме аҙыҡ кә­рәккәнен. Башлыса донник, люцерна, эспарцет һымаҡ күп йыллыҡ үләнгә өҫтөнлөк бирелә. Ваҡытында сенажын да, силосын да һалып ҡалыр­ға кәрәк.
Бөгөн ейәнсуралар 6 мең тоннанан ашыу бесән, 13 мең тоннанан ашыу сенаж һалған. Айырыуса МТС, “Зенит”, “Импульс” хужа­лыҡтарында эш дәррәү бара.