Күптән түгел Октябрьский ҡалаһында ветеринария буйынса төбәк-ара конференция булды. Унда Рәсәй төбәктәре ара­һында тауар әйләнешенең ҡырҡа артыуы һөҙөмтәһендә сеймалдың һәм эшкәр­телгән аҙыҡ-түлектең ветеринар хәүеф­һеҙлеге хаҡында һүҙ барҙы. Ошо юҫыҡта былтырғы йыл йомғаҡтары буйынса республикала алдынғылар иҫә­бен­дә булған Дыуан районының ве­те­ри­нар станцияһы эшмәкәрлеге маҡ­тауға лайыҡ.
Райондың ветеринар станцияһы 21 мең баштан ашыу һыйыр малын, мең ярым йылҡыны, алты меңдән ашыу сусҡа, 502 һарыҡ, 6191 умарталағы бал ҡортон һәр төрлө сирҙән ҡурсалау бурысын намыҫ менән башҡара. Ойошмала 42 кеше эшләй, һәр береһе үҙ эшенә яуаплы ҡарағанға, киҫкен сирҙәргә юл ҡуйылмай.
Етәксе Рауил Жәлил улы Нуриев был эшкә 1981 йылда Башҡорт дәүләт аграр университетының ветеринария факультетын тамамлағас та тотонған. Тәжрибә­ле, оҫта белгестең баш­лыҡ булып эш­лә­үе­нә лә байтаҡ инде. Районда ветеринар күҙәтеү, лаборатория, прививкалар яһау, диагностика үткәреү эше яҡшы ҡу­йыл­ған. Тө­бәктә мал- ты­уар, ҡош-ҡорт ара­һында бер нисә йыл инде ауы­рыуҙар кү­ҙә­телмәй.
Рәсәй Бөтә донъя сауҙа ойошмаһына ингәндән һуң мал-тыуар буйынса ла сит төбәктәр менән алыш-биреш артты. Был юҫыҡта ситтән кил­те­релгән хайуандар, малсылыҡ тауар­ҙары ентекле тик­шере­лә. Шуныһы иғтибарға лайыҡ: һуңғы йыл­дарҙа иҫкәртеү эштәре алып барылғанға күрә, был төбәктә йәшәгән халыҡҡа эхинококкоз сире янамай.
Дыуан ве­те­ри­нар стан­ция­һы­ның Ярос­лав­ка участ­ка­һы мө­ди­ре Люд­ми­ла Шамо­ва – Рә­сәй Фе­де­ра­ция­һы­ның По­чет гра­мо­та­һы, Ды­уан участ­ка­һы мө­ди­ре Фи­дә­рис Мәх­мү­тов Баш­ҡорт­остан Ве­те­ри­на­рия ида­ра­­лы­ғы­­ның По­чет гра­мо­та­һы ме­нән бүләк­лән­де. Ә инде Өл­көн­дө ветеринария участкаһынан Ру­шан Юнысов рес­пуб­ли­ка­ла “Иң яҡшы ветеринария участ­каһы мөдире” тип та­был­ды. Рухтин ауы­лы­ның ве­теринария участкаһы мөдире Ти­мур Ра­ма­за­нов та үҙ эше­нең оҫ­та­һы булып танылды.