Салауат ҡалаһы башҡорттарының бәхете бар икән! Ә бына беҙгә, бөрөләргә, әйткәндәй, өфөләргә лә, ундай бәхет тәтемәй. Өфөлә матбуғат киоскыларында, почта бүлекселәрендә башҡорт телендә баҫмалар юҡ! Йәғни Башҡортостандың баш ҡалаһы типа атлаған ҡалала башҡорт телендә баҫма һатып алып булмай. Өфө таныштарымдың билдәләүенсә, өйҙәренә лә почта баҫмаларҙы онотҡан да бер генә килтерәләр, ти. Ә бына Бөрөлә хәл тағы ла хөртөрәк.
Почта бүлексәләрендә башҡорт телен белгән бер әҙәм дә юҡ. Ҡала администрацияһында ла бер башҡорт юҡ. Ә татар һәм рус әҙәмдәре татарса һәм русса ғына баҫмаларҙы яҙҙырталар. Ҡалабыҙҙа матбуғат киосктарын бөтөргәндән һуң, матбуғатты бер ҡайҙа ла һатып алырлыҡ түгел инде. Әйткәндәй, ҡала китапханаларында ла башҡорттар юҡ. Китапханаларҙа башҡорт гәзитен һораһаң, татар гәзитен бирәләр. Башҡорт баҫмаларын тик Бөрө башҡорттары ҡоролтайы әүҙемселәре һәм БДУ БФ башҡорт филологияһы кафедраһы ғына яҙҙырып алдыра.
Почта бигерәк алама эшләй. Әгәр "Урал-пресс" агентлығы һеҙҙә яҡшы эшләй икән, әйҙәгеҙ, Рәсәй почта хеҙмәтенән баш тартайыҡ, шул агентлыҡҡа тапшырайыҡ был эште?
Башҡа әмәле юҡ бит...