Унда Башҡортостан Президенты Рөстәм Хәмитов, республиканың хәрби комиссары Анатолий Балтинский, дәүләт власы органдары, ветеран ойошмалары вәкилдәре, Бөйөк Ватан һуғышы яугирҙәре, йәмәғәт һәм дин эшмәкәрҙәре, хәрби уҡыу йорттары курсанттары, хәрби-патриотик клубтарҙа тәрбиәләнеүселәр ҡатнашты.
— Бөйөк Ватан һуғышы ветерандарын, яугир-интернационалистарҙы, хәрби бәрелештәрҙә ҡатнашҡандарҙы, үҙ-үҙен аямайынса Ватаныбыҙҙың азатлығын һәм бойондороҡһоҙлоғон һаҡлаған, “ҡыҙыу нөктә”ләрҙә уның мәнфәғәттәрен яҡлаған кешеләрҙең барыһын да ошо ысын бөтә халыҡ байрамы менән ихлас ҡотлайым. Әлеге тантанаға Бөйөк Ватан һуғышы ветераны, генерал-майор, Рәсәй Хәрби фәндәр академияһының мөхбир ағзаһы Ростислав Сибәғәтуллин, 15-се гвардия Харьков-Прага уҡсылар дивизияһы ветераны, полковник Сабир Йыһаншин килде, — тине республика Президенты, хәрби хеҙмәткәрҙәргә һәм ветерандарға мөрәжәғәт итеп.
Тантанала Рөстәм Хәмитов дәүләт наградалары тапшырҙы. Сара байрам концерты менән тамамланды.

* * *
Байрам көнөндә Рөстәм Хәмитов Советтар Союзы Геройҙары Александр Матросов менән Миңлеғәле Ғөбәйҙуллиндың Еңеү паркындағы монументына сәскә һалыуҙа ҡатнашты.