Төп фәндәр өсөн икешәр көн бүленгән.

Рәсәйҙең Мәғариф министрлығы Мәғариф һәм фән өлкәһендә күҙәтеү буйынса федераль хеҙмәт менән берлектә 2026 йылда Берҙәм дәүләт имтиханын ойоштороу графигына төҙәтмәләр менән бойороҡ проектын әҙерләгән.

Проекттың төп яңылығы имтихандарҙы үткәреү пункттарына йөкләмәне бүлеүгә һәм ҡатнашыусыларҙың үҙҙәренә лә ҡағыла. Документ тексына ярашлы, төп фәндәр өсөн икешәр көн бүленгән. Әйтәйек, хәҙер рус теленән имтиханды ике көн рәттән – 4 июндә (кесаҙна) һәм 5 июндә (йома) ойоштороу планлаштырыла.

Математиканан база һәм профилле кимәлдәге имтихандар ҙа ике ағымға бүленгән – 8 июндә (дүшәмбе) һәм 9 июндә (шишәмбе).

18 һәм 19 июндә сит телдәр (һөйләү телмәре) һәм информатика буйынса һынауҙар үткәрелә.

Тәҡдим ителгән редакцияға ярашлы, берҙәм дәүләт имтиханының төп осоро йәйҙең беренсе көнөндә башлана:

1 июнь (дүшәмбе) — тарих, әҙәбиәт, химия;

4 июнь (кесаҙна) — рус теле;

5 июнь (йома) — рус теле;

8 июнь (дүшәмбе) – база кимәлендәге математика буйынса БДИ, профилле кимәлдәге математика буйынса БДИ;

9 июнь (шишәмбе) – база кимәлендәге математика буйынса БДИ, профилле кимәлдәге математика буйынса БДИ;

11 июнь (кесаҙна) – йәмғиәтте өйрәнеү, физика;

15 июнь (дүшәмбе) — биология, география, сит телдәр (инглиз, испан, ҡытай, немец, француз) (яҙма өлөшө);

18 июнь (кесе йома) — сит телдәр (инглиз, испан, ҡытай, немец, француз) (һөйләү телмәре), информатика;

19 июнь (йома) — сит телдәр (инглиз, испан, ҡытай, немец, француз) (һөйләү телмәре), информатика.

https://www.bashinform.ru/news/obrazovanie/2026-02-26/v-raspisanii-ege-2026-goda-planiruyutsya-izmeneniya-4593572